अन्‌ थेट शेतात जावून बांधली राखी

धुळे : एक सलाम बळीराजा तुझ्या कर्तुत्वाला, एक राखी बळीराजा तुझ्या देश रक्षणाला या संकल्पनेतून बळीराजाला राखी बांधून केला रक्षाबंधन सण साजरा केला. (dhule-news-raksha-bandhan-festival-celebrete-women-in-farmer)

साक्री तालुक्यातील विटाई येथील महिलांनी बळीराजाला रक्षाबंधनानिमित्ताने "एक सलाम बळीराजा तुझ्या कर्तुत्वाला, एक राखी बळीराजा तुझ्या देश रक्षणाला" या संकल्पनेनुसार अवघ्या देशभराच पोट भरणाऱ्या बळीराजाला थेट शेतामध्ये जाऊन महिलांनी राखी बांधून रक्षाबंधन सण साजरा केला आहे.

कोरनाच्या संकट काळात संपूर्ण देशामध्ये ईलाज सुरू असलेल्या रुग्णाच्या वापरात येणाऱ्या कापसापासून तर रस्त्यावरती उतरून कोरोनाच्या संकटात सर्वसामान्यांचे रक्षण करणाऱ्या पोलीस कर्मचाऱ्यांच्या चहामधील साखरेपर्यंत उत्पन्न घेणाऱ्या शेतकऱ्याला रक्षाबंधनाच्या दिवशी आपला खरा भाऊ व खरा पाठीराखा म्हणून शेतकऱ्यांविषयी भावनिक नातं जोपासण्याचा या महिलांनी प्रयत्न केला आहे. देशातील व राज्यातील सर्वच महिलांनी शेतकऱ्यांना रक्षाबंधनाच्या निमित्ताने राखी बांधून हा सण साजरा करण्याचे आवाहन देखील या महिलांनी केले आहे.

महिला पोहचल्‍या शेतात

संकट काळात देखील कणखरपणे शेतात राबणाऱ्या शेतकरी बंधूला नक्कीच उभारी मिळेल. या विश्वासाने महिलांनी शेतकरी बंधूंना आज राखी बांधून खऱ्या अर्थाने रक्षाबंधन साजरा करण्याचे आवाहन या महिलांतर्फे करण्यात आले आहे.