धुळे : गेल्‍या काही दिवसांपासून केंद्र सरकारच्या माध्यमातून झपाट्याने गॅस दरवाढ होत आहे. या केंद्र सरकारच्या गॅस दरवाढीच्या धोरणा विरोधात धुळ्यात (Dhule) राष्ट्रवादी काँग्रेस पक्षाच्या महिलांनी निषेध आंदोलन केले. (dhule news NCP agitation against gas price hike policy)
केंद्र सरकारतर्फे गॅस दरवाढ (Gas Price Hike) करत सर्वसामान्य नागरिकांची लूट केली जात असल्याचा आरोप लावत राष्ट्रवादी काँग्रेस पक्षाच्या (NCP) महिला पदाधिकारी व कार्यकर्त्यांनी रस्त्यावर उतरल्‍या. गॅस सिलेंडर व गोवऱ्या डोक्यावर घेत अनोख्या पद्धतीने केंद्र सरकारचा निषेध करण्यासाठी आंदोलन केले आहे. धुळे शहरातील नेहरू चौक परिसरामध्ये हे आंदोलन करण्यात आले आहे.
राज्‍य सरकार विरोधातही घोषणाबाजी
आंदोलनकर्त्या राष्ट्रवादी काँग्रेस पक्षाच्या महिला पदाधिकाऱ्यांनी सध्या राज्यामध्ये स्थापन झालेल्या भाजप व शिंदे सरकारचा देखील यावेळी घोषणाबाजी करून निषेध व्यक्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
