Dhule: मोटरसायकल चोरी, घोरफोडी करणारे ताब्‍यात

धुळे : चाळीसगाव रोड पोलीस ठाण्याच्या हद्दीतील चोऱ्या उघडकीस आणण्यासाठी पोलिसांनी (Police) कसून तपास केला. दोन घटनांमधील मोटर सायकल चोरी (Theft) आणि घरफोडी करणाऱ्या संशयतांना ताब्यात घेतले आहे. त्‍यांच्‍याकडून लाखोंचा मुद्देमाल जप्त केला आहे. (Dhule Crime News)

गेल्या काही दिवसांपूर्वी शहरातील अजमेरानगर परिसरातून मोटरसायकल चोरीची तक्रार चाळीसगाव (Chalisgaon) रोड पोलीस ठाण्यात दाखल झाली होती. या चोरी संदर्भात पोलिसांनी एका आरोपीला ताब्यात घेत पाच मोटरसायकली जप्त (Dhule) केल्या आहेत. या चोरट्याला न्यायालयाने पोलीस कोठडी सुनावली आहे. त्याच्याकडून एक लाख 90 हजार रुपयांचा मुद्देमाल जप्त केला आहे.

गॅरेजमध्‍ये चोरी

दुसऱ्या घटनेत गरीब नवाजनगर परिसरातून गॅरेजमध्ये चोरी झाल्याची घटना उघडकीस आली होती. यासंदर्भात पोलीस ठाण्यात गुन्हा देखील दाखल करण्यात आला होता. या गुन्ह्याच्या तपास करीत असताना पोलिसांनी एका विधी संघर्शीत बालकाला हजारोंच्या मुद्देमालासह ताब्यात घेतले आहे. या विधीसंघर्षित बालकाने गॅरेजमधून चोरी केलेला मुद्देमाल आझादनगर परिसरात एका भंगारवाल्याला विक्री केला असल्याची कबुली दिली. घरफोडीच्या गुन्ह्यामध्ये विधीसंघर्षित बालक आणि भंगार विक्रेते या दोघांना ताब्यात घेण्यात आले आहे. त्यांचेकडून वीस हजार रुपये किमतीचा मुद्देमाल जप्त केला असल्याची माहिती पोलीस अधीक्षक प्रवीण कुमार पाटील यांनी दिली आहे.