मला मुख्यमंत्री असल्यासारखंच वाटतंय..या कवितेतून कृषिकन्येने घेतला समाचार; वाचा कविता

धुळे : मी पुन्‍हा येईन..फडणवीसांचे हे वक्‍तव्‍य चांगलेच गाजले होते. यानंतर पुन्‍हा त्‍यांनी काही दिवसांपुर्वी मला अजूनही मुख्‍यमंत्री असल्‍यासारख वाटतंय हे वक्‍तव्‍य केले आहे. फडणवीसांच्‍या या वक्‍तव्‍याचा कृषीकन्‍येने आपल्‍या कवितेतून चांगलाच खरपूस समाचार घेतला. (dhule-news-feel-like-I-am-the-Chief-Minister-devendra-fadanavis-statement-priyanka-joshi-poem)

काही महिन्यांपूर्वी संपूर्ण राज्यात मला आमदार झाल्यासारखं वाटत या गाण्याने चांगलेच वेड लावले होते. हे गाणे कित्येक दिवस चर्चेचा विषय ठरल होते. परंतु आता विरोधी पक्षनेते देवेंद्र फडणवीस यांनी काही दिवसांपूर्वी आपल्याला अजूनही मुख्यमंत्री असल्यासारखच वाटतंय हे वक्तव्य चर्चेचा विषय ठरला आहे. विरोधी पक्षनेते फडणवीस यांच्या या वक्तव्याचा कवितेच्या माध्यमातून समाचार घेतला आहे धुळ्यातील कृषिकन्या प्रियंका जोशी हिने.

पंतप्रधान मोदींचाही कवितेतून समाचार

प्रियांकाने २०१७ मध्ये पंतप्रधान नरेंद्र मोदी यांचा कवितेतून शेतकऱ्यांची व्यथा मांडत समाचार घेतल्याच्या बदल्यामध्ये शिवसेनेतर्फे प्रचारक प्रमुख म्हणून तिला जबाबदारी सोपविली आहे. आता देखील प्रियंकाने विरोधी पक्षनेते देवेंद्र फडणवीस यांनी काही दिवसांपूर्वी आपल्याला अद्यापही मुख्यमंत्री असल्यासारखंच वाटतंय असं वक्तव्य केले होते. याचा समाचार "मला अद्यापही मुख्यमंत्री असल्यासारखंच वाटतंय" या कवितेच्या माध्यमातून प्रियंकाने कशा पद्धतीने घेतला आहे.

अशी आहे कविता

सत्ये माघ किती घोळक्यात गोंडा ग..

माझ्या काळजात रवला खुर्चीचाच झेंडा ग..

मला भरलं मुख्यमंत्री पदाच वार ग...

मी मुख्यमंत्रिपदाचाच उमेदवार ग..

विरोधी बाकावर बसून काळीज तूटतय..

जेव्हा मी बघतोय उद्धव साहेबांच्या कामाकडं, मला मुख्यमंत्री असल्यासारखंच वाटतंय..

जेव्हा मी बघतो उद्धव साहेबांच्या प्रसिद्धीकडं, मला मुख्यमंत्री असल्यासारखं वाटतंय..!