धुळेकरांची वाढली चिंता; त्‍या महिला डॉक्‍टराच्‍या कुटुंबियांनाही कोरोना

धुळे : इंग्लंडहून धुळ्यात परतलेल्या महिला डॉक्‍टराचा अहवाल कोरोना पॉझिटीव्‍ह आला होता. यानंतर सदर महिलेल्‍या संपर्कात आलेल्‍यांची तपासणी केली असता महिलेच्‍या संपर्कात आलेल्या कुटुंबियांचे देखील कोरोना तपासणीचे अहवाल पॉझिटिव्ह आले आहेत. यामुळे धुळेकरांची आता चिंता वाढली आहे. (dhule-news-Corona-poxitive-family-member-of-the-female-doctor)

गेल्या पंधरा दिवसापूर्वी इंग्लंडहून धुळ्यामध्ये परतलेल्या डॉक्टर महिलेचा कोरोना तपासणीचा अहवाल हा दोन दिवसांपूर्वी पॉझिटिव्‍ह आला होता. त्यानंतर तिच्या संपर्कात आलेल्या तिच्या लहान मुलासह आई- वडिलांचा देखील कोरोना तपासणीचा अहवाल पॉझिटिव आला आहे. या महिलेचा विमानतळावर कोरोना तपासणीचा अहवाल हा निगेटिव्ह आला होता. त्यानंतर सात दिवसांपूर्वी देखील या महिलेला कोरोना तपासणीचा अहवाल हा निगेटिव्‍ह आला होता. परंतु या महिलेने खासगी लॅबमध्ये आपली कोरोनाची तपासणी करून घेतली असता त्यामध्ये या महिलेचा कोरोना तपासणीचा अहवाल पॉझिटिव्ह आला आहे. त्या पाठोपाठ या महिलेच्या संपर्कात आलेल्या तिच्या कुटुंबियांचा देखील कोरोना तपासणीचा अहवाल पॉझिटिव्ह आल्यामुळे आरोग्य यंत्रणा अलर्ट झाली आहे.

प्रतिक्षा ओमायक्रॉनच्‍या रिपोर्टची

विदेशातून आलेल्या महिलेसह तिच्या संपर्कातील तिच्या कुटुंबीयांची देखील ओमायक्रॉन तपासणीचे नमुने पाठविण्यात आले आहेत. या परदेशातून आलेल्या महिलेच्या कुटुंबीयांच्या ओमायक्रॉनच्या अहवालाकडे आरोग्य यंत्रणेचे लक्ष लागले आहे. यानुसार आरोग्‍य यंत्रणेकडून उपाययोजनेला सुरवात केली आहे.