Accident News: कारचा अपघात; मदतीसाठी धावले तर धक्‍कादायक सत्‍य आले समोर

धुळे : धुळे शहरातील पारोळा रोड येथे कारचा अपघात झाला. या अपघातामध्ये (Dhule News) चक्क गुरांची वाहतूक केली जात असल्याचे आढळून आले आहे. या अपघातामध्ये (Accident News) वाहनातील गाय व बैलाचा मृत्यू झाला आहे. (Maharashtra News)

कारमध्ये गोवंश जातीची जनावरे अवैधपणे वाहतूक करून नेली जात असताना अचानक पारोळा रोड येथे कारचा अपघात झाला. तसेच या घटनेनंतर तात्काळ वाहन चालक घटनास्थळावरून फरार झाला असून कारमधील आणखी दोन जण या अपघातात जखमी झाले आहेत. त्यांना पोलिसांनी ताब्यात घेत शासकीय रुग्णालयामध्ये उपचारासाठी दाखल केले आहे.

गोवंश तस्‍करीचा मुद्दा आला समोर

अपघातामुळे गोवंश तस्करीचा मुद्दा पुन्हा एकदा समोर आला आहे. गोवंश तस्करांतर्फे आता चक्क तवेरा कार वाहनाचा देखील जनावरे वाहून नेण्यासाठी वापर केला जात असल्याचे उघडकीस आले आहे.