तळोदा (नंदुरबार) : धडगावकडून गहू, तांदूळ भरून येणारा ट्रक पकडण्यात आला. ट्रकचालकाकडे कुठलेही धान्य बिल आढळून न आल्याने काळ्या बाजाराची वाहतूक करत असल्याने ट्रकसह नऊ लाख ६१ हजार ४५० रुपयांच्या मुद्देमाल जप्त करून (Taloda) तळोदा पोलिस ठाण्यात आणण्यात आला. (Breaking Marathi News)
तळोदा तालुक्यात ही कारवाई करण्यात आली आहे. सदर ट्रकमध्ये ७३ हजार ७०० रुपये किमतीचा ६७ कट्टे ३३.५० किलो वजन असलेला गहू व ८७ हजार ७५० रुपये किमतीचा ६५ कट्टे ३२.५० किलो वजन असलेला (Rice) तांदूळ नेण्यात येत होता. सदरचा माल काळ्या बाजारात विक्रीसाठी जात असताना कोठार गावाच्या रस्त्याच्या उतारावर धडगाव- तळोदा रस्त्यावर मिळून आला. (Wheat) गहू, तांदूळ नेमका कोणत्या ठिकाणी काळ्या बाजारात जाणार होता. याचा तपास पोलिसांकडून सुरु आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पोलिसांनी (Police) हा माल जप्त केला आहे. पुरवठा निरीक्षक प्रमोद डोईफोडे यांनी दिलेल्या फिर्यादीवरून तळोदा पोलिस ठाण्यात चालक भिका गुलाबसिंग ठाकरे (रा. निगदी, ता. धडगाव, जि. नंदुरबार) तसेच चालकाचा मदतनीस आकाश दिलीप ढोले (रा. वडफड्या, ता. धडगाव, जि. नंदुरबार) यांच्याविरुद्ध गुन्हा नोंद करण्यात आला. यात मोठे मासे गळाला लागतील अशी शक्यता व्यक्त केली जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.