Dhule News: कार्पेटद्वारे पिकवलेली केळी विकणाऱ्यांवर हवी कारवाई; शिंदे गट शिवसैनिक आक्रमक

धुळे : कार्पेट या रसायनातून केळी पिकवून त्यांची सर्रासपणे बाजारामध्ये विक्री केली जात आहे. अशा विक्री (Dhule) करणाऱ्यांवर कारवाई करण्याची मागणी शिंदेगट शिवसेनेच्या (Shiv Sena) पदाधिकाऱ्यांनी अन्न व औषध प्रशासनाच्या अधिकाऱ्यांकडे केली आहे. (Breaking Marathi News)

सध्या हिंदू धर्मियांचे सण सुरू असून उपवासासाठी केळी (Banana) आवर्जून उपवासा दरम्यान खाल्ले जाते. मात्र ही केळी कार्पेट या विषारी रसायनाच्या माध्यमातून पिकवून तिला बाजारात विक्रीसाठी आणले जाते. या रसायनामुळे कॅन्सर त्याचबरोबर विविध जीवघेण्या आजारांचा प्रादुर्भाव होतो. या रसायनाद्वारे केली पिकविण्यावर बंदी आणावी अशी मागणी देखील करण्यात आली आहे. 

अशा प्रकारच्या कार्पेटमध्ये पिकवलेल्या केळी बाजारात सर्रासपणे विकणाऱ्यांवर कारवाई करण्याची मागणी शिंदे गटाच्या शिवसैनिकांनी प्रशासनाकडे केली आहे. यावेळी या संदर्भातील निवेदन संबंधित प्रशासकीय अधिकाऱ्यांना शिंदे गट सेनेच्या पदाधिकाऱ्यांनी दिले आहे. हे निवेदन देतेवेळी शिंदे गट शिवसेनेचे पदाधिकारी व कार्यकर्ते मोठ्या संख्येने एकवटल्याचे बघावयास मिळाले आहे.