Dhule News: खुर्चीला नतमस्तक करत सोडला पदभार; प्रदीप कर्पे यांचा महापौरपदाचा राजीनामा

धुळे : धुळे महापालिकेचे महापौर प्रदीप कर्पे यांनी आपल्या महापौर पदाचा सव्वा वर्षांचा कार्यकाळ पूर्ण केल्यानंतर पक्षश्रेष्ठींच्या आदेशानंतर महापौर पदाचा राजीनामा दिला. मावळते महापौर प्रदीप कर्पे (Padip Karpe) यांनी महापौर पदाचा राजिनामा देवून खुर्चीला नतमस्तक करत पदाभार सोडला आहे. (Tajya Batmya)

धुळे महानगराच्या (Dhule Corporation) विकासासाठी भारतीय जनता पक्षाच्या (BJP) नेत्यांनी जो विश्वास दाखवून मला महापौर पदाची संधी दिली. त्या संधीचा उपयोग शहराच्या विकास कामांना चालना देत अधिकाधिक निधी आणून कामे केल्‍याचे कर्पे यांनी सांगितले.

रस्त्यांची कामे, पाण्याचा प्रश्न, कर्मचाऱ्यांचे प्रश्न, नविन जलकुंभाची निर्मीती सोलर सिस्टीम, पाणी पुरवठा यंत्रणा सुधारणा ही कामे आपण मार्गी लावली, देवपूरातील रस्त्यांची कामे सुरु केली. अशी माहिती मावळते महापौर प्रदीप कर्पे यांनी पत्रकार परिषदेत दिली आहे.