चिमठाणे (धुळे) : शेतात पायी जाताना भरधाव चारचाकी वाहनाने मागून जोरदार धडक दिल्याने चिमठाणे (ता. शिंदखेडा) येथील अभियंता तरुण जागीच (Dhule News) ठार झाल्याची घटना चिमठाणे-साळवे कच्च्या रस्त्यावर घडली. तो एकुलता असल्याने चिमठाणे गावावर शोककळा पसरली आहे. शिंदखेडा (Shindkheda) पोलिस ठाण्यात अज्ञात वाहनचालकाविरोधात गुन्हा दाखल करण्यात आला. (Live Marathi News)
रविवारी दुपारी दीडच्या सुमारास चिमठाणे ते साळवे कच्च्या रस्त्यावर चारचाकी वाहन (एमएच १८, डब्ल्यू १२७३) प्रथमेश ऊर्फ पप्पू भीमराव अहिरे-धनगर (वय २३) चिमठाणे गावाकडून शेतात पायी जात असताना त्याला मागून जोराची (Accident) धडक दिली. यात त्याच्या छातीला, पोटाला व डोक्याला गंभीर मार लागल्याने तो जमिनीवर पडला. यानंतर चारचाकी चालक वाहन सोडून पळून गेला.
त्यानंतर त्याला १०८ रुग्णवाहिकेने चिमठाणे येथील प्राथमिक आरोग्य केंद्रात आणले असता वैद्यकीय अधिकाऱ्यांनी तपासून शिंदखेडा येथील ग्रामीण रुग्णालयात वैद्यकीय अधिकारी डॉ. कुंदन वाघ यांनी प्रथमेश यास तपासून मृत घोषित केले. प्रथमेशचे चुलत काका संतोष हिलाल धनगर-अहिरे यांनी शिंदखेडा पोलिस ठाण्यात फिर्यादी दिली. पोलिस निरीक्षक सुनील भाबड यांच्या मार्गदर्शनाखाली हवालदार सदेसिंग चव्हाण तपास करीत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.