Dhule Accident News: टेम्‍पोने हुलकावणी दिल्‍याने अ‍ॅपेरिक्षा उलटून दहा प्रवासी जखमी

धुळे : डोळे तपासणीसाठी धुळ्यात येणारी ॲपेरिक्षाचा शहरातील साक्री रोडवरील जे. के. ठाकरे हॉस्पिटलसमोर (Accident) उलटली. या अ‍ॅपे रिक्षातील दहा प्रवासी जखमी झाले असून त्‍यांना उपचारासाठी रूग्णालयात (Hospital) दाखल केले आहे. (Letest Marathi News)

लोहगड (ता. धुळे) येथून काहीजण अ‍ॅपेरिक्षाने डोळे तपासणीसाठी धुळ्यातील कस्तुरबा गांधी रुग्णालयात येत होते. मात्र, जे. के. हॉस्पीटलच्यासमोर अ‍ॅपेरिक्षाला टेम्पोने हुलकावणी दिल्याने अ‍ॅपेरिक्षा उलटली. या अपघातात दहा जण जखमी झाले. अपघाताची माहिती हेल्पलाईन क्रमांक १०८ ला कळवताच डॉ. शाह फैज, डॉ. शिवराज घोरपडे, जयेश पाटील, चालक अनिल थोरात अ‍ॅम्ब्युलन्स घेऊन अपघातस्थळी पोहोचले. जखमींना उपचारासाठी जुने सिव्हिल हॉस्पिटल येथे नेले.

अपघातातील जखमी

या अपघातात अशरफ माजिद पटेल (वय-६०), गौतमबाई भिकन पटेल (७०), सुशीलाबाई गंगाराम सोनवणे (४०), मुरलीधर भावराव (६२), द्वारकाबाई भीमराव अहिरे (५०), बापू गोपची (५५), अनिता भिल (४०), भाऊसिंग गंगाराम (६५) यांच्यासह दहाजणांचा जखमींमध्ये समावेश आहे.