Dharashiv Breaking: मोठी बातमी! चॉकलेटनंतर तुळजाभवानी देवीला विलायची अन् लवंगाचा हार; भाविकांमध्ये संताप, कारण काय?

बालाजी सुरवसे, साम टीव्ही धाराशिव

धाराशिवमध्ये मागील काही दिवसांपू्र्वी तुळजाभवानी देवीला चॉकलेटचा हार घातल्याची घटना घडली होती. त्यानंतर काही भाविकांनी आक्रमक भूमिका घेतली होती. त्यानंतर आता तुळजाभवानी देवीला भाविकांनी आणलेला विलायची अन् लवंगाचा हार घातला नाही, त्यामुळे भाविक संतापले आहेत. त्यामुळे आता पुन्हा एक नवा वाद पेटण्याची शक्यता आहे.

नेमकं प्रकरण काय?

तुळजाभवानी देवीला भाविकांने आणलेला विलायची आणि लवंगाचा हार न घातल्याने भाविक आणि भोपे पुजारी मंडळातुन मोठ्या प्रमाणावर नाराजी व्यक्त केली (Dharashiv Breaking) जातेय. तुळजाभवानी मंदीर प्रशासनाने चुकीच्या लोकांच्या म्हणण्यानुसार भक्तांवर अन्याय करु नये, अशी प्रतिक्रिया तुळजाभवानी भोपे पुजारी मंडळाचे अध्यक्ष अमरराजे कदम यांनी दिलीय.

मंदीर प्रशासनाकडून अन्याय होत असल्याचा आरोप

महाराष्ट्राची कुलस्वामिनी आई तुळजाभवानी देवीला चॉकलेटचा हार घातल्याने काही पुजाऱ्यांनी आक्षेप घेतला (Lavanga Elaichi Necklace To Tulja Bhavani Devi) होता. दरम्यान मंदीर प्रशासन चुकीच्या लोकांच्या मागणीला ग्राह्य धरुन भक्तांवर अन्याय करत आहे. भाविकांनी मोठ्या श्रध्देने देवीला वाहण्यासाठी जे काही आणलेले असते, ते देवीला चढवण्यासाठी मोठ्या श्रद्धेने आणलेले (Tulja Bhavani Devi Contravesry) असते. त्यामुळे चुकीच्या लोकांच्या मागणीला ग्राह्य धरुन मंदीर प्रशासन किती दिवस अन्याय करणार? कारण भक्तांनी आणलेल्या साड्या सुध्दा देवीला चढवल्या जात नसल्याचं अमरराजे कदम यांनी म्हटलंय.

भाविकांमध्ये नाराजीचा सूर

अनादी कालापासून चालत आलेला कौल मागण्याचा विधी बंद केलाय. भक्तांनी आणलेला हार कशाचाही (Tuljapur News) असो, त्यामागील भक्तांची श्रध्दा प्रशासनाने लक्षात घ्यावी. मुळात देव हा भाविकांसाठी असतो. त्यामुळे मंदीर प्रशासनाने याची नोंद घ्यावी. चुकीच्या लोकांनी केलेल्या चुकीच्या मागण्या नाकाराव्यात, अशी मागणी तुळजाभवानी भोपे पुजारी मंडळाचे अध्यक्ष अमरराजे कदम यांनी केलीय.