जड अंतकरणाने भक्तांचा बाप्पाला निरोप

अमरावती - गेल्या दहा दिवसांपासून विराजमान असलेल्या गणपतींना आज जड अंतकरणाने निरोप देण्यात आला. कोरोनामुळे Corona याहीवर्षी मिरवणुकीला परवानगी नसल्याने मिरवणुकीचा कुठलाही गाजावाजा न करता गणपतीचे विसर्जन करण्यात आले. अमरावती Amravati शहरातील छत्री तलाव ,वडाळी परिसरातील प्रथमेष तलाव व शहरातील पाचही झोन मध्ये आर्टिफिशियल तलावाची व्यवस्था बाप्पाला निरोप देण्याकरिता करण्यात आली होती.

हे देखील पहा -

शहराच्या छत्री तलाव परिसरात भाविक भक्त मोठ्या प्रमाणात गणपती विसर्जन करण्याकरिता येत असतात. त्या अनुषंगाने चोख व्यवस्था महानगर पालिका व पोलिसांकडून ठेवण्यात आली होती.तलावाच्या बाजूने तीन छोटे कुत्रिम तलाव तयार करण्यात आले होते. त्यामध्ये मूर्तीच्या विसर्जनाची व्यवस्था करण्यात आली होती तर मूर्तीवरील निर्माल्या साठी वेगळी व्यवस्था करण्यात आली होती.

विसर्जन स्थळी कुठलीही अनुचित घटना घडू नये याकरिता चोख पोलीस बंदोबस्त या ठिकाणी लावण्यात आला होता. जिल्ह्यात आज सकाळ पासून गणेश विसर्जनाला सुरुवात झाली. कोरोना संसर्ग प्रतिबंध करण्याच्या दृष्टीने जिल्हा प्रशासनाने गणपती मिरवणुकीवर प्रतिबंध आणले आहे. मात्र, गणपती विसर्जन मिरवणूक मार्गावर कलम 144 लागू करण्यात आलेली असून या मार्गावर पोलिसांचा नेहमीप्रमाणे बंदोबस्त ठेवण्यात आला आहे, हे विशेष.

Edited By - Shivani Tichkule