Chhatrapati Sambhajinagar News: छ. संभाजीनगरमध्ये आदर्श पतसंस्था घोटाळ्याची पुनरावृत्ती? 'देवाई'तील गोरगरीब खातेदारांच्या ठेवीवर डल्ला

नवनीत तापडिया

Chhatrapati sambhajinagar Latest News:

आदर्श नागरी पतसंस्थे चा घोटाळा नुकताच उघड झाला असताना पुन्हा एकदा एका पतसंस्थेने ठेविदारांचे पैसे बुडवण्याचा धक्कादायक प्रकार शहरात उघडकीस आला आहे. 'देवाई' नागरिक पतसंस्थेतील काही खातेदारांनी ठेवी बुडवल्याचा आरोप केल्यानंतर शहरातील सर्वच खातेदारांमध्ये खळबळ उडाली आहे. (Latest Marathi News)

छत्रपती संभाजीनगरमधील सातारा देवळाई परिसरातील 'देवाई' महिला नागरिक पतसंस्थेने जवळपास दोन हजाराहून अधिक खातेदारांच्या ठेवी बुडवल्याचा प्रकरण समोर आलं आहे. गेल्या आठ दिवसापासून पतसंस्थेचे मुख्य कार्यालयाला टाळे लागले आहे.

पतसंस्थेतील ठेवीदार पैशांसाठी चपला झिझवत आहेत. संचालक महादेव काकडे फरार आहेत. तर, पाच महिन्यांपासून पगार थकल्याने काम करणाऱ्या कर्मचाऱ्यांनी देखील पोलिसांत धाव घेतली आहे.

देवाई पतसंस्थेच्या छत्रपती संभाजीनगर जिल्ह्यात चार शाखा आहेत. यामध्ये जवळपास तीन हजाराहून अधिक ग्राहकांनी पैसे गुंतवले वर्षाला 15 टक्के व्याज देणार असे आमिष संस्थेच्या संस्थाचालकांनी दाखवले होते. मात्र, गेल्या काही दिवसांपासून कोणालाही पैसे परत मिळाले नाहीत.

पतसंस्थेतील खातेदारांची ठेवीची मुदत पूर्ण झाली आहे, तर काहींना आपल्या अडीअडचणीच्या काळात ठेवलेली रक्कम परत हवी होती. मात्र गेल्या काही दिवसांपासून पतसंस्थेचे शहरातील मुख्य कार्यालयाला कुलूप आहे.

तसेच संचालक मंडळातील एकाचाही फोन लागत नाहीये. यामुळे आदर्श घोटाळ्यानंतर आता दिवाळी पतसंस्थेत देखील मोठा घोटाळा समोर येण्याची शक्यता आहे.

अलीकडच्या काळात उघड होणारे घोटाळा पाहता पतसंस्था किती सुरक्षित आहेत, असा प्रश्न पुन्हा एकदा समोर आला आहे.