Nanded: देगलूर विधानसभेसाठी आज मतदान, 12 उमेदवार रिंगणात

नांदेड: संपुर्ण महाराष्ट्राचे लक्ष लागलेल्या देगलूर विधानसभा मतदारसंघाच्या (Deglur Assembly Election) पोट निवडणूकीसाठी (By Election) आज मतदान होणार आहे. सकाळी सात पासून मतदानाला सुरूवात झालीय. कांग्रेस चे आमदार रावसाहेब आंतापूरकर यांच्या निधनानंतर रिक्त जागेसाठी ही पोटनिवडणूक होत आहे. पालकमंत्री अशोक चव्हाणांसाठी ही निवडणूक प्रतिष्ठेची मानली जात आहे. भाजप, (BJP) महाविकास आघाडी, (Mahavikas Aghadi) वंचितच्या उमेदवारात चुरस निर्माण झाली आहे.

निवडणूक प्रक्रीयेत सहभागी असलेले कर्मचारी काल रात्रीच ईव्हीएम मशीन घेऊन वाहनातून मतदान केंद्राकडे मुक्कामी पोहोचले. निवडणूक रिंगणात 12 उमेदवार आहेत. या निवडणुकीत तीन लाख मतदार आहेत. 412 मतदान केंद्रावर मतदान होत आहे. आठ मतदान केंद्र संवेदनशील आहेत. जवळपास 2000 हजार कर्मचारी मतदान प्रक्रियेत कार्यरत असून, कुठलाही अनुसूचित प्रकार घडू नये यासाठी चोख पोलीस बंदोबस्त तैनात करण्यात आल्याची माहिती निवडणूक निर्णय अधिकाऱ्यांनी दिली आहे.

Edited By: Pravin Dhamale