सुपरमार्केट मधील वाईन विक्रीविरोधात आंदोलनावर आज निर्णय - अण्णा हजारे

अहमदनगर - किराणा दुकानातून वाईन विक्रीच्या निर्णयावर आंदोलन करायचं की नाही याचा निर्णय रविवारी घेणार असल्याचं ज्येष्ठ समाजसेवक अण्णा हजारे (Anna Hazare) यांनी सांगितलं आहे. अण्णा हजारे यांच्या उपोषणाच्या इशाऱ्यानंतर राज्य उत्पादन शुल्कच्या प्रधान सचिव वल्सा नायर यांनी अण्णांची भेट घेतली. या दोघांमध्ये चर्चा झाली यावर आपलं 50 टक्के समाधान झाल्याचं सांगत अण्णा हजारेंनी उपोषणासंबंधी रविवारी आपली भूमिका स्पष्ट करणार असल्याचं सांगितलं आहे.

हे देखील पहा -

काल झालेल्या बैठकीनंतर अण्णांचं काही प्रमाणात समाधान करण्यात राज्य उत्पादन शुल्कच्या प्रधान सचिव वल्सा नायर यांना यश आल्याचं दिसून येत आहे.नायर यांच्याशी झालेल्या चर्चेनंतर आपलं 50 टक्के समाधान झाल्याचं सांगत उपोषणाबाबत आज निर्णय घेणार असल्याचं अण्णांनी म्हटलं आहे.

सुपर मार्केट आणि किराणा दुकानांमध्ये वाईन विक्रीच्या निर्णयाविरोधात अण्णा हजारे यांनी सरकारला उपोषणाचा इशारा दिला होता. 14 तारखेला अण्णा राळेगणसिद्धी येथे सरकारच्या विराधात उपोषण करणार होते. मात्र काल झालेल्या भेटीनंतर उपोषणाबाबत आज निर्णय घेणार आहेत. त्यामुळे अण्णा हजारे काय निर्णय घेतात याकडे सर्वांचे लक्ष लागले आहे.

Edited By - Shivani Tichkule