पहाटेच्या वेळी शिंदेंच्या घरात घुसले अन् कुटुंबाला मारहाण, चॉपर अन् कोयत्यानं प्राणघातक हल्ला, नेमकं प्रकरण काय?

रायगड जिल्ह्यातील कर्जतच्या धाकटे वेणगाव येथून हाणामारीचा प्रकार समोर आला आहे. पहाटेच्या सुमारास घराचा दरवाजा तोडून काही अज्ञात हल्लेखोरांनी शिंदे कुटुंबावर जीवघेणा हल्ला केला. या हलल्यात शिंदे कुटुंबातील ४ जण गंभीर जखमी झाले. या प्रकरणी पोलीस ठाण्यात तक्रार दाखल करण्यात आली असून, पोलिसांकडून तक्रारीच्या आधारे तपास सुरू आहे.

धाकटे वेणगावातील शिंदे कुटुंबावर प्राणघातक हल्ला करण्यात आला. मिळालेल्या माहितीनुसार, अज्ञात हल्लेखोरांनी शिंदे कुटुंबाच्या घरी प्रवेश केला. पहाटेच्या सुमारास दरवाजा तोडून त्यांनी घरात प्रवेश केला. चॉपर, कोयता आणि रिव्हॉल्व्हर घेऊन हल्लेखोरांनी शिंदे कुटुंबावर हल्ला चढवला.

या हल्ल्यात प्रतिक शिंदे, सतिष शिंदे, प्रफुल्ल शिंदे आणि प्रतिभा शिंदे हे चौघे जण जखमी झाले आहेत. या हल्ल्यानंतर शिंदे कुटुंबातील जखमी व्यक्तींना तातडीने उपचारासाठी रूग्णालयात दाखल करण्यात आले. पोलीस ठाण्यात आरोपींवर गुन्हा दाखल करण्यात आला. तक्रारीनुसार, किरण शिंदे, मंगेश जाधव, जय साबळे आणि इतर दोन अनोळखी तरुणांवर पोलिसांनी गुन्हा दाखल केला.

या प्रकरणी कर्जत पोलिस ठाण्यात गुन्हा दाखल करण्यात आला असून जखमींवर उल्हासनगर येथील खाजगी रुग्णालयात उपचार सुरु आहेत. कौटूंबीक वाद विकोपाला जाऊन झालेल्या जीवघेण्या हल्ल्याच्या निषेधार्थ शिंदे कुटुंबियांनी रोष व्यक्त केला आहे.