Crime News: महाराष्ट्र हादरला! एकाच घरातील ३ महिलांंची हत्या; धक्कादायक माहिती आली समोर

भारत नागणे...

Mangalvedha: एकाच घरातील तीन महिलांची निर्घुण हत्या करण्यात आल्याची घटना मंगळवेढा येथे घडली आहे. या भयंकर हत्याकांडाने सर्वत्र खळबळ माजली आहे.  मंगळवेढा तालुक्यातील नंदेश्वर गावात ही धक्कादायक घटना उघडकीस आली आहे. या महिलांची दगड आणि धारदार शस्त्राने हत्या झाली असून पोलिस या प्रकरणी अधिक तपास करत आहेत. (Mangalvedha)

याबाबत समोर आलेल्या माहितीनुसार, मंगळवेढा तालुक्यातील नंदेश्वर येथे एकाच कुटुंबातील तीन महिलांची निर्घृणपणे हत्या करण्यात आली आहे. दिपाली माळी, पारूबाई माळी, संगीता माळी अशी हत्या झालेल्या महिलांची नावे आहेत.

घराशेजारील समाधान लोहार या व्यक्तीने या तिन्ही महिलांच्या डोक्यात दगड घालून त्यांना संपवले असल्याची प्राथमिक माहिती समोर आली आहे. पोलिसांनी समाधान लोहार या संशयित आरोपीस ताब्यात घेतले आहे.

मृत महिला या महादेव माळी यांच्या घरातील असून त्यांच्या दोन्ही बहिणी आणि सूनेची निर्घृण हत्या झाली आहे. दीपाली बाळू माळी (वय 25) ही महादेव माळी यांची सून आहे. तर पारूबाई बाबाजी माळी (वय 45), संगीता महादेव माळी (वय 50) या दोन बहिणी होत्या. या घटनेतील हल्लेखोराने इतकी निर्घृणपणे हत्या का केली असेल? असे प्रश्न उपस्थित होत आहेत. पोलीस या प्रकरणी सविस्तर तपास करत आहेत. (Crime News)