मृत रुग्ण पुन्हा जिवंत झाला ? कोल्हापूरमधील धक्कादायक प्रकार! (पहा व्हिडिओ)

कोल्हापूर - डॉक्टर आणि पोलिसांच्या गलथान कारभारामुळे एका कुटुंबाला चांगलाच मनस्ताप सहन करावा लागला आहे. सीपीआर रुग्णालयात हा धक्कादायक प्रकार घडला आला आहे. या ठिकाणी आपला नातेवाईक मरण पावल्याचे समजून एका कुटुंबाने भलत्याच व्यक्तींवर अंत्यसंस्कार केले. पण दुसऱ्या दिवशी रुग्णालयातून तुमचा रुग्ण जिवंत आहे असा फोन आला त्यानंतर नातेवाईकांना धक्काच बसला आहे.

ज्या व्यक्तीवर अंत्यसंस्कार करण्यात आले ती व्यक्ती नेमकी कोण होती हा प्रश्न अद्याप कायम आहे. सीपीआर रुग्णालयाकडून याबाबत कोणताही स्पष्टीकरण देण्यात आलेले नाही. त्यामुळे सीपीआर प्रशासनाचा सावळागोंधळ पुन्हा एकदा चव्हाट्यावर आला आहे. पोलिसांनी दिलेल्या माहितीनुसार, सुधाकर जोशी नगरातील रहिवासी असणाऱ्या नारायण तुदिगाल यांच्यावर कोल्हापुरातील सीपीआर रुग्णालयात उपचार सुरू होते.

दरम्यन, नारायण यांचा मृत्यू झाल्याची माहिती नातेवाईकांना रुग्णालयाकडून देण्यात आली. यावेळी संबंधित मृतदेह आपल्याच माणसाचा आहे का? याची खात्री नातेवाईकांनी केली नाही. फोनवरून ही माहिती नातेवाईकांना दिली होती. तसेच त्यांच्यावर अंत्यसंस्कार देखील करण्यात आले.

पण त्यानंतर दुसऱ्या दिवशी पुन्हा रुग्णालयातून फोन आला तुमचा रुग्ण जिवंत आहे असे सांगण्यात आले. पण ज्यांच्यावर अंत्यसंस्कार केले, ती व्यक्ती कोण होती, हा प्रश्न निर्माण झाला. त्यामुळे पोलीस आणि डॉक्टरांचा सावळागोंधळ चव्हाट्यावर आला आहे.

Edited By - Shivani Tichkule