अहमदनगरमध्ये माकपचे जोरदार शक्तीप्रदर्शन !

अहमदनगर : शेतकरी, कामगार, कर्मचारी व आदिवासी समुदायाच्या विविध न्याय्य मागण्यांसाठी मार्क्सवादी कम्युनिस्ट पक्षाच्या वतीने आज अहमदनगरच्या अकोले शहरात भव्य मोर्चा काढण्यात आला. या आंदोलनाचे नेत्वृत्व किसान सभेचे अजित नवले यांनी केले.

हे देखील पहा -

अकोले व संगमनेर तालुक्यातील सर्व श्रमिकांना घरकुले द्या, घरकुल ड यादी अद्ययावत करण्याची प्रक्रिया सुरू करा, बांधकाम कामगारांची नोंदणी व नूतनीकरणाची प्रक्रिया सुलभ करा, घरेलू कामगारांची नोंदणी तातडीने सुरू करा, घरेलू कामगारांना कोविड काळातील अनुदान तातडीने द्या, आशा कर्मचाऱ्यांना रुग्णालयात मुक्कामाची स्वतंत्र व्यवस्था करा या मागण्या घेऊन माकपने आंदोलनाची हाक दिली होती.

लॉकडाउन काळात प्रलंबित असलेल्या श्रमिकांच्या विविध प्रश्नांना वाचा फोडण्यासाठी मार्क्सवादी कम्युनिस्ट पक्ष, किसान सभा व सिटू कामगार संघटनांच्या वतीने 9 ऑगस्ट पासुन अकोले तहसील कार्यालयासमोर बेमुदत सत्याग्रह सुरू आहे. आज आंदोलनाच्या तिसऱ्या दिवशी माकपने तहसील कार्यालयावर मोर्चा काढून जबरदस्त शक्तिप्रदर्शन केले. मोर्चामध्ये शेतकरी,आदिवासी व श्रमिक मोठ्या संख्येने सहभागी झाले होते.

Edited By : Krushnarav Sathe