सातारा : सातारा जिल्ह्यात काेविड १९ ची रुग्ण संख्या थाेड्या फार प्रमाणात कमी झालेली आहे. गेल्या काही दिवसांपासून दरराेज ५०० पेक्षा कमी रुग्ण संख्या नाेंदवली जात आहे. सणासुदीचा काळ नजीक आल्याने नागरिकांनी सतर्क राहणे आवश्यक आहे. नागरिकांनी मास्क परिधान करणे, सामाजिक अंतर पाळणे या गाेष्टींबराेबरच काेवडि १९ च्या तपासणी करण्यासाठी पुढाकार घेणे आवश्यक आहे. दरम्यान नागरिकांच्या सुरक्षिततेसाठी सातारा पाेलिस दलाने शहरातील मुख्य बाजारपेठेत आरटी पीसीआर RT- PCR Test तपासणी माेहिम राबविण्यास आजपासून (मंगळवार) प्रारंभ केला आहे. covid9-rtpcr-test-satara-ganesh-festival-2021-sml80
ही माेहिम शहरातील मोती चौक ते जुना मोटर स्टॅण्ड आणि खण आळी या प्रमुख बाजारपेठांमध्ये राबविण्यात येत आहे. ऑन द स्पॉट आरटीपीसीआर rtpcr test तपासणीच्या माध्यमातून नागरिकांचे प्रबाेधन देखील करण्यात येत आहे.
सध्या सणांची लगबग असल्यामुळे बाजारपेठ गर्दीने फुलल्या आहेत. त्यामुळे कोणतीही जोखीम आपल्याला घ्यावयाची नाही. वाहतूक शाखेने आज सकाळपासून ही तपासणी मोहीम सुरू केली आहे. ज्या नागरिकांची तपासणी केली जात आहे त्यांचा संपर्क क्रमांक नाेंदविला जात आहे. त्यानंतर त्यांच्या क्रमांकावर तपासणी अहवाल पाठविला जाणार आहे अशी माहिती सातारा शहर वाहतूक शाखेचे प्रमुख विठ्ठल शेलार यांनी दिली.
edited by : siddharth latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
