नाना पटोले अकोल्यातील वाडेगावात एका कार्यक्रमासाठी आले होते.. यावेळी पावसामुळे झालेल्या चिखलातून ते चालत निघाले होते...त्यानंतर गाडीत बसताना कार्यकर्त्यांनं नानांचे पाय धुतले. त्यामुळे काँग्रेसच्या आणि नाना पटोलेंच्या सरंजामी वृत्तीवर टीका होतेय.
नाना पटोले काँग्रेसचे प्रदेशाध्यक्ष
नानांची राजकीय कारकीर्द आक्रमक, बहुआयामी ओबीसी नेते अशीच आजवर पाहायला मिळाली. नाना पटोलेंनी राजकारणातली आमदारकी,खासदारकी तर उपभोगलीच त्यासह विधानसभेचं अध्यक्षपदही त्यांना मिळालं.मात्र त्यानंतर मविआनं बरचं काही भोगलं. याचा अर्थ नाना तुम्ही राजकारणात नवखे नाहीत. मग अकोल्यातल्या दौ-यात एका कार्यकर्त्याकडून पाय धुऊन घेताना तुमच्या मनात आपण काही चुकीचं करत असल्याची भावना कशी डोकावली नाही? आता या सरंजामी प्रकारानंतर सत्ताधाऱ्यांनी पटोलेंना चांगलंच धारेवर धरलंय.
नानांनी आता सारवा सारव केली असली तरी पुरोगामी विचारांच्या बाता करणा-या पक्षातल्या प्रदेशाध्यक्षाला असला प्रकार नक्कीच शोभत नाही. कार्यकर्त्यांचं नेत्यांवर अंधभक्ताप्रमाणे प्रेम असतं. ते आपल्या नेत्यासाठी काहीही करू शकतात. म्हणून नानांनी आपल्या कार्यकर्त्याला असं करू देणं कितपत योग्य आहे? म्हणूनच नाना ही कोणती संस्कृती? असा सवाल उपस्थित होतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
