Sangli NCP Dispute News : सांगलीत राष्ट्रवादीच्या दोन गटात जोरदार राडा; महापालिकेत नगरसेवक एकमेकांशी भिडले

Sangli News : महिनाभरापूर्वी राष्ट्रवादी काँग्रेस पक्षात उभी फूट पडली. त्यानंतर अजित पवार गट आणि शरद पवार गट असे दोन गट पक्षात तयार झाले. त्यानंतर एकत्र काम करणारे नेते आता एकामेकांविरोधात दिसत आहे. सांगलीत महापालिकेत सभेमध्ये राष्ट्रवादी काँग्रेसचे दोन गट भिडल्याचा प्रकार समोर आला आहे.

राष्ट्रवादीचे दोन्ही गटाचे नेते एकमेकांच्या अंगावर धावून जाण्याचा प्रकार घडला आहे. अजित पवार गटाचे नगरसेवक आणि शरद पवार गटाचे नगरसेवक एकमेकांशी भिडले आहेत. नगरसेवक योगेंद्र थोरात आणि मैनुद्दीन बागवान, संगीता हारगे यांच्यात वादावादी झाली.

मिळालेल्या माहितीनुसार, प्रभाग 20 मधील विकास कामाच्या चर्चेवेळी राष्ट्रवादीचे प्रदेशाध्यक्ष जयंत पाटील यांचे नाव अजितदादा गटाचे नगरसेवक योगेंद्र थोरात यांनी घेतल्याने जयंत पाटील गटाच्या नगरसेवकांनी आक्षेप घेतला. (Latest News Update)

यानंतर अजित पवार गटाचे नगरसेवक आणि शरद पवार गटाचे नगरसेवक एकमेकांशी भिडले. यावेळी नगरसेवक योगेंद्र थोरात आणि मैनुद्दीन बागवान, संगीता हारगे यांच्यात जोरदार वादावादी झाली. (Maharashtra News)

अखेर वाद वाढल्याने महापौर दिग्विजय सूर्यवंशी यांनी दोन नगरसेवकाचे निलंबन करत त्यांना सभागृहातून बाहेर जाण्याचे आदेश दिले .यामध्ये महापौरांनी अजित पवार गटाचे योगेंद्र थोरात आणि जयंत पाटील गटाच्या संगीता हारगे यांचे निलंबन केले आणि त्यांनतर पुन्हा सभेचे कामकाज सुरू झाले.