CM Eknath Shinde: संभाजीनगर विमानतळावर मुख्यमंत्र्यांच्या बॅग तपासल्या, पाहा VIDEO

छत्रपती संभाजीनगरमधील विमानतळावर मुख्यमंत्री एकनाथ शिंदे यांच्या बॅग तपासण्यात आल्या आहेत. निवडणूक आयोगाच्या पथकाकडून त्यांच्या बॅगची तपासणी करण्यात आली. यावेळी मुख्यमंत्र्यांच्या बॅग, ब्रीफकेस आणि इतर सामानांची तपासणी करण्यात आली. त्याचा व्हिडीओ देखील शूट करण्यात आला. यावेळी मुख्यमंत्री शिंदे यांनी निवडणूक आयोगाच्या अधिकाऱ्यांना संपूर्ण सहकार्य केले आहे.

११ आणि १२ नोव्हेंबरला सभेसाठी गेलेल्या ठाकरे गटाचे नेते उद्धव ठाकरे यांच्या सामानांची निवडणूक आयोगाच्या पथकाकडून तपासणी करण्यात आली होती. त्यावेळी उद्धव ठाकरेंचा एक व्हिडीओ समोर आला होता. यामध्ये त्यांनी माझी बॅग तपासता तसाच पंतप्रधान नरेंद्र मोदी यांच्या बॅग तपासणी करतानाचा व्हिडीओ मला पाहिजे असे त्यांनी सांगितले होते. त्यांनी आवाहन केल्यानंतर आता सर्वच नेते मंडळींच्या बॅगा निवडणूक आयोगाच्या पथकाकडून तपासल्या जात आहेत. आज आदित्य ठाकरे, नाना पटोले, पंकजा मुंडे आणि मल्लिकार्जुन खरगे यांच्या बॅग निवडणूक आयोगाने तपासल्या.