Crime: शाळा सुटल्यावर एकटीला गाठायचा, सोबत नेऊन...; ३ वर्षांच्या चिमुकलीवर आजोबांकडून लैंगिक अत्याचार

छत्रपती संभाजीनगरमध्ये ३ वर्षीय चिमुकलीवर आजोबाने अनैसर्गिक अत्याचार केल्याची धक्कादायक घटना समोर आली आहे. या प्रकरणी ५९ वर्षांच्या आरोपीला पोलिसांनी अटक केली. मुलीची शाळा सुटल्यानंतर आरोपी तिथे जायचा. तिला आमिष दाखवत सोबत न्यायचा आणि तिच्यावर अत्याचार करायचा. या घटनेमुळे संभाजीनगरमध्ये खळबळ उडाली आहे. आरोपी पीडित मुलीचा नातेवाईक असल्याची माहिती समोर आली आहे. या प्रकरणाचा तपास संभाजीनगर पोलिस करत आहेत.

मिळालेल्या माहितीनुसार, छत्रपती संभाजीनगर शहरातील वेदांतनगर पोलिस ठाण्याच्या हद्दीत ही धक्कादायक घटना घडली. ५९ वर्षीय आजोबाने ३ वर्षीय चिमुकलवर अनैसर्गिक अत्याचार केले. शाळा सुटल्यानंतर आरोपीने या चिमुकलीवर अनैसर्गिक लैंगिक अत्याचार केला. आरोपी ओळखीतला असल्यामुळे मुलगी त्याच्यासोबत गेली आणि त्याने तिच्यासोबत हे भयंकर कृत्य केले.

कुटुंबातील परिचयाचा असल्याने आरोपी मुलीला फसवायचा आणि शाळा सुटल्यावर एकटीला गाठायचा. त्यानंतर तिला सोबत नेऊन तिच्यावर अनैसर्गिक अत्याचार करायचा. याप्रकरणी विजय हरिदास जीवनलाल या नराधमाला पोलिसांकडून अटक करण्यात आली. त्याला ३ दिवसांची पोलिस कोठडी सुनवण्यात आली आहे. या घटनेमुळे मुलीच्या नातेवाईकांकडून संताप व्यक्त केला जात आहे.

नराधमाचा अपघात झाला होता. अपघातामध्ये गंभीर दुखापत झाल्यामुळे त्याला कुठलेही काम करता येत नव्हते. शाळा सुटण्याच्या वेळेला तो शाळेच्या परिसरात जाऊन मुलीला लाडीगुडी लावून गाठायचा. या नराधमाने मुलीवर अत्याचार शाळेत केला की अन्य कुठल्या ठिकाणी याचा शोध पोलिस घेत आहेत. या आरोपीविरोधात कठोरात कठोर कारवाई करण्यात यावी अशी मागणी केली जात आहे.