Sambhajinagar News: पत्नीसह भाचीला वाचवण्याच्या नादात तरुणाचा पाण्यात बुडून मृत्यू; खुलताबाद तालुक्यातील घटना
रामू ढाकणे, साम टीव्ही छत्रपती संभाजीनगर
Chhatrapati Sambhajinagar Latet News
पत्नीसह भाचीला वाचवण्याच्या नादात एका तरुणाचा नाल्यातील पाण्यात बुडून मृत्यू झाल्याची दुर्दैवी घटना छत्रपती संभाजीनगर जिल्ह्यातील खुलताबाद तालुक्यात गुरुवारी (ता. १८) दुपारच्या सुमारास घडली. दगडू सुखदेव अहिरे, असे मृत तरुणाचे नाव असून तो सुलीभंजन गावातील रहिवासी आहे. या घटनेनं परिसरातून हळहळ व्यक्त होत आहे. (Breaking Marathi News)
मिळालेल्या माहितीनुसार, खुलताबाद तालुक्यातील सुलीभंजन गावात राहणारे अहिरे कुटुंबिय गुरुवारी दुपारच्या सुमारास कपडे धुण्यासाठी गावाजवळील जाकेर नाल्यावर गेले होते. यावेळी मृत दगडूची भाची शालीनी हिचा पाय घसरुन ती नाल्यातील पाण्यात पडली.
तिला वाचवण्यासाठी दगडूच्या पत्नीने पाण्यात उडी घेतली. मात्र, पोहता येत नसल्याने त्या खोल पाण्यात बुडू लागल्या. पत्नी आणि भाचीला बुडताना पाहून दगडूने नाल्याच्या पाण्यात उडी घेतली. मात्र, पाण्याच्या अंदाज न आल्याने तोही बुडू लागला.
आरडाओरड झाल्यानंतर स्थानिकांनी तातडीने नाल्याच्या दिशेने धाव घेतली. ग्रामस्थांनी जीव पणाला लावत दगडूच्या पत्नी आणि भाचीला पाण्याबाहेर काढले. मात्र, शोधाशोध घेऊनही दगडूचा थागपत्ता लागला नाही. खोल पाण्यात बुडून त्याचा मृत्यू झाला. पत्नी आणि भाचीला वाचवण्याच्या नादात तरुणाचा जीव गेल्याने परिसरातून मोठी हळहळ व्यक्त होत आहे. याप्रकरणी अकास्मात मृत्यूची नोंद करण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.