चंद्रपूर : चंद्रपूर जिल्ह्यात सिमेंटचे खांब घेऊन जाणारा ट्रॅक्टर उलटून अपघात झाला. या अपघातात (Accident) २ जणांचा जागीच मृत्यू झाला. तर २ जण गंभीर जखमी झाले आहेत. ही घटना मूल तालुक्यातील पिपरी-दीक्षित येथे घडली. (Breaking Marathi News)
केळझर येथून (Chandrapur) चिंचाळा येथे सिमेंट खांब नेत असताना पिपरी- दीक्षित येथील वळणावर ट्रॅक्टर अनियंत्रित झाले. वळण असल्‍याने चालकाला नियंत्रण मिळविणे शक्‍य झाले नाही. यामुळे ट्रॅक्‍टरची ट्राॅली उलटी झाली. ट्राॅलीमध्‍ये असलेले सिमेंट खांब अंगावर पडून २ जण जागीच दगावले.
जखमींवर उपचार सुरू
ट्रॅक्‍टरच्‍या ट्राॅलीतील सिमेंटचे खांब अंगावर पडल्‍याने मिथुन मराठे (वय ३५) आणि अंकित गंडेशिवार (वय ३०) यांचा मृत्यू झाला. तर अन्‍य दोन जण गंभर जखमी झाले आहेत. जखमींना तातडीने रूग्‍णालयात दाखल केले आहे. मृतक आणि जखमी हे सर्व मूल तालुक्यातील केळझर येथील रहिवासी आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
