Leopard Attack : गावात शिरलेल्या तीन बिबट्यांचे हल्ले; सहा जण जखमी

चंद्रपूर : वनपरिक्षेत्र असलेल्या चंद्रपूर जिल्ह्यातील मोहाळी गावात शिकारीच्या शोधात बिबट्यांची प्रवेश केला होता. दरम्यान आज सकाळच्या सुमारास गावात घुसलेल्या तीन बिबट्यांनी नागरिकांवर हल्ला केला. यात सहा जण जखमी झाल्याची घटना समोर आली आहे. जखमींना तातडीने रुग्णालयात दाखल करण्यात आले आहे. 

चंद्रपूर (Chandrapur) जिल्ह्यातील सिंदेवाही तालुक्यात शिवनी वनपरिक्षेत्रात मोहाळी हे गाव आहे. हे गाव घनदाट जंगलाने वेढले आहे. या भागात वन्य प्राण्यांचा अधिवास असल्याने अनेकदा गावात देखील वन्यप्राणी येत असतात. दरम्यान आज सकाळी साडेसात वाजताच्या सुमारास तीन बिबटे गावात आले. यावेळी गावातील नागरिक शेतीच्या कामावर जाण्यासाठी बाहेर पडले असतानाच या बिबट्यानी लोकांवर (Leopard Attack) हल्ले केले. यात सहा जण गंभीर जखमी झाले आहेत. 

एक बिबट्या जेरबंद 

बिबट्याने हल्ला केल्यानंतर यात विजय देवगिरीकर, मनोहर दांडेकर, जितेंद्र दांडेकर, सुभाष दांडेकर, ऋतिक वाघमारे, पांडुरंग नन्नावरे यांचा समावेश आहे. हल्ला केल्यानंतर हे बिबटे गावातील घरांत शिरले असून (forest department) वन विभागाने तातडीने दखल घेत बिबट्यांना पकडण्याची मोहीम सुरू केली. आतापर्यंत एक बिबट्या जेरबंद झाला असून, उर्वरित दोन बिबटे पकडण्यासाठी प्रयत्न सुरू आहेत.