चंद्रपूर, बल्लारपूर महामार्गावरील विसापूर गावाजवळील टोल नाक्यावर एक भीषण अपघाताची घटना घडली. डेकोरेशनचे सामान घेऊन जात असलेल्या भरधाव वाहनाने थेट टोल नाक्यावर काम करणाऱ्या कर्मचाऱ्यावर गाडी घातली. या अपघातात युवकाला गंभीर दुखापत झाली आहे. त्याला तातडीने रूग्णालयात उपचारासाठी पाठवण्यात आले आहे. या घटनेनंतर पोलिसांनी अपघातग्रस्त वाहन ताब्यात घेतले असून, पुढील तपास सुरू आहे.
चंद्रपूर-बल्लारपूर महामार्गावरील विसापूर गावाजवळील टोल नाक्यावर घडलेल्या अपघातामुळे सर्वत्र खळबळ उडाली आहे. संजय वांढरे (वय २७ वर्षे) असे जखमी झालेल्या कर्मचाऱ्याचे नाव आहे. टोल नाक्यावर संजय उभा होता. तेथून डेकोरेशनचे सामान घेऊन जाणारे वाहन आले. वाहनाचा वेग इतका प्रचंड होता की चालकाने नियंत्रण गमावले आणि टोल बूथजवळ उभ्या असलेल्या संजयवर थेट गाडी घातली.
नंतर आरोपी वाहन घेऊन पसार झाला. वाहनाला अडवण्याचा प्रयत्न करण्यात आला. मात्र, तोपर्यंत वाहन घेऊन आरोपी पळाला. हा सगळा प्रकार सीसीटीव्ही कॅमेऱ्यात कैद झाली आहे. घटनेची माहिती मिळताच बल्लारपूर पोलीस घटनास्थळी दाखल झाले असून, जखमीला तातडीने रुग्णालयात दाखल करण्यात आले.
सध्या संजयवर खासगी रूग्णलयात उपचार सुरू असून, त्याची प्रकृती गंभीर असल्याची माहिती आहे. पोलिसांनी अपघातग्रस्त वाहन ताब्यात घेतले असून, आरोपीचा शोध सुरू आहे. या घटनेनंतर परिसरात एकच खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.