किल्ले सागरगडावर तोफेला बसविले तोफगाड्यात; भंडारा उधळत साजरा झाला लोकार्पण सोहळा

- राजेश भोस्तेकर

रायगड : ऐतिहासिक ठेवा जतन करणे हे आपले आद्य कर्तव्य आहे. तरच पुढच्या पिढीला इतिहासाची ओळख होऊ शकते. हाच उद्देश डोळ्यासमोर ठेवून अलिबागमधील (Alibag) सागरगड किल्यावर असलेल्या तोफेसाठी मित्रो ग्रुप चिंचोटी, ग्रामस्थ मंडळ व शिवभक्त मावळे यांनी तोफगाडा घडवला आहे. आज दिनांक 3 एप्रिल 2022 रोजी या तोफगाड्याचा लोकार्पण सोहळा किल्ले सागरगड (Sagargad) येथे मोठ्या उत्साहात पार पडला.

हे देखील पहा :

महाराजांना वंदन करून गारद घेऊन भंडारा उधळून उत्साहात लोकार्पण सोहळा पार पडला. किल्ले सागरगड याला ऐतिहासिक वारसा आहे. किल्ल्यावरील ऐतिहासिक ठेवा जतन करण्यासाठी शिवभक्त हे नेहमी स्वच्छता मोहीम आखत असतात. किल्यावर अडगळीत गेलेल्या तोफा शिवभक्तांनी बाहेर काढल्या आणि त्यांना पुनर्जीत केल्या. किल्यावर पाच तोफा सध्या असून छत्रपती शिवाजी महाराज यांच्या पुतळ्या शेजारी चार तोफा लावल्या आहेत.

तर सर्वात मोठी असलेली तोफेला गाडा तयार करण्यात आला आहे. चिंचोटी ग्रामस्थ आणि शिवभक्त मावळ्यांनी या भंडारा उधळून तोफेचे तोफगाड्यावर बसविला. यावेळी महाराजांची गारद देण्यात आली. सागर गडावर शिवमय वातावरण तयार झाले होते. छत्रपती शिवाजी महाराज यांच्या घोषणेने सारा परिसर दुमदुमला होता.

Edited By : Krushnarav Sathe