Buldhana : समृद्धी महामार्गावर अवैध गुटख्याची तस्करी; एक कोटी १३ लाखांचा गुटखा जप्त

बुलढाणा : गुटखा तस्करी करण्यास बंदी असताना देखील सर्रासपणे गुटख्याची तस्करी केली जात आहे. त्यानुसार बुलढाणा जिल्ह्यात गुटखा माफियांविरुद्ध पोलिसांनी आणखी एक मोठी धडक कारवाई केली आहे. स्थानिक गुन्हे शाखेने काल रात्री मेहकर तालुक्यातील समृद्धी महामार्गावरील फर्दापूर टोलनाका येथे कारवाई करत तब्बल १ कोटी १३ लाख रुपयांचा गुटखा जप्त केला आहे. 

गुटखा तस्करी करण्यास बंदी असताना देखील मोठ्या प्रमाणात वाहतूक केली जात असल्याचे पुन्हा एकदा उघड झाले आहे. बंदी असताना देखील इतक्या मोठ्या प्रमाणात गुटख्याची वाहतूक केली जात आहे. दरम्यान समृद्धी महामार्गावरून एका ट्रक मध्ये गुटख्याची तस्करी केली जात असल्याची माहिती बुलढाणा पोलिसांना मिळाली होती. या माहितीनुसार पोलिसांनी सापळा रचला होता.

अमरावतीहून मुंबईकडे गुटखा तस्करी होत असल्याची माहिती एलसीबी पथकाला मिळाली होती. यावरून एलसीबीच्या पथकाने फर्दापूर टोलनाक्यावर सापळा रचला. संशयित दोन ट्रक आले असता पोलिसांच्या पथकाने त्यांची तपासणी केली असता या दोन ट्रक गुटखा आढळून आला. त्यात गुटख्याने भरलेला तब्बल १ कोटी १३ लाख रुपयांचा गुटखा निघाला. गुटख्यासह दोन्ही ट्रक पोलिसांनी ताब्यात घेतले आहेत. 

तिघांना केली अटक 

दरम्यान पोलिसांनी केलेल्या या कारवाईत पोलिसांनी मोहम्मद इम्रान मोह. हफिज, अचलपूर), अजीम बेग हाफिज बेग (अमरावती) आणि एजाज अहमद अजीज अहमद (अमरावती) या तिघांवर गुन्हा दाखल करून अटक केली आहे. या कारवाईत गुटखा व दोन ट्रकसह एकूण १ कोटी ४३ लाख रुपयांचा मुद्देमाल जप्त केला आहे यामुळे गुटखा तस्करी करणाऱ्यांचे धाबे दणाणले आहे.