बंडखोर आमदारांच्‍या बॅनरवरून मुख्‍यमंत्री उद्धव ठाकरेंचा फोटो गायब

बुलडाणा : शिवसेनेतून बंडखोरी केलेल्या आमदारांबाबत कुठे समर्थक तर कुठे विरोधात निदर्शने केल्या जात आहेत. यात बुलडाणा येथील आमदार संजय गायकवाड (Sanjay Gaikwad) यांच्‍या समर्थकांनी लावलेल्‍या बॅनरवरून मुख्‍यमंत्र्यांचाच फोटो गायब आहे. (buldhana Photo of CM Uddhav Thackeray disappears from the banner of rebel MLAs)

बुलडाणा (Buldhana) जिल्ह्यातील दोन शिवसेना आमदारांनी बंडखोरी केली असून त्यांचे समर्थन तर विरोध केला जात आहे. बुलडाणा शिवसेना (Shiv Sena) आमदार संजय गायकवाड यांच्या समर्थकांनी शनिवारी रॅली काढली. तर आज शहरातील संगम चौक येथे बॅनर सुद्धा लावले आहे. या बॅनरची शहरात मोठी चर्चा होताना दिसत आहे. बॅनरवर एकनाथ शिंदे (Eknath Shinde) यांचा फोटोसह बाळासाहेब ठाकरे यांचे फोटो आहे. मात्र आजपर्यंत मुख्यमंत्री उद्धव ठाकरे यांच्याशिवाय कुठलेही बॅनर तयार होत नव्हते. आज मात्र या बॅनरवरून उद्धव ठाकरे यांचा फोटो गायब आहे.

आमदारांबद्दल नागरीकांमध्‍येही रोष

प्रथमच शिवसेना पक्षावर निवडून आलेल्या आमदार संजय गायकवाड यांनी बंडखोरी केल्यामुळे समर्थक शिवाय सामान्य नागरिकांमध्ये प्रचंड रोष दिसून आलाय. मात्र दहशतीमुळे सामान्य नागरिक उघड उघड बोलत नसल्‍याचे दिसून येत आहे.