संजय जाधव
समृद्धी महामार्गावरील अपघात हा चिंतेचा विषय आहे. महामार्ग सुरु झाल्यापासून याठिकाणी अनेक अपघात झाले आहेत, ज्यामध्ये अनेकांना जीव गमवावा लागला आहे. त्यामुळे प्रशासनाने अपघात रोखण्यासाठी विविध उपाययोजना केल्या आहेत.
मात्र महामार्गावरील काही गोष्टींकडे प्रशासनाचं दुर्लक्ष होत असल्याचं समोर आलं आहे. यामुळे मोठा अपघात होण्याची शक्यता आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
समृद्धी महामार्गाच्या बांधकामाच्या दर्जावरच आता प्रश्नचिन्ह उभं राहिलं आहे. मेहकर टोल एक्सचेंजजवळ असलेल्या पैनगंगा नदीवरील पुलावर मोठा गॅप पडल्याचं समोर आलं आहे. यामुळे वाहनांचा टायर फुटून अपघात होण्याची शक्यता बळावली आहे.
मेहकर टोल एक्सचेंजपासून एक किलोमीटर अंतरावर असलेल्या पैनगंगा नदीवरील पूल आणि मुख्य मार्ग यामध्ये जवळपास सहा ते सात इंचाचा गॅप पडल्याने या ठिकाणी भरधाव वाहने जाताना मोठा आवाज होतो आहे. यामुळे टायर फुटून अपघात होण्याची शक्यता वाढली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.