Malkapur News : वस्तीत असलेले बिअर बार हटवण्यासाठी महिलांचे दुकानासमोर बेमुदत उपोषण

बुलढाणा : मलकापूर येथील आदर्श नगर् परिसरातील भर वस्तीत बिअर बार सुरु आहे. येथे येणाऱ्या मद्यपीची महिला, युवतींना मोठा त्रास सहन करावा लागत आहे. वस्तीत असलेले बिअर बारचे दुकान हटविण्याची मागणी अनेक दिवसांपासून आहे. मात्र यावर कोणत्याही प्रकारे कारवाई होत नसल्याने परिसरातील महिलांनी एकत्रित येत बिअर बार समोरच बेमुदत उपोषणाला सुरवात केली आहे. 

बुलढाणा जिल्ह्यातील मलकापूर (Malkapur) येथील आदर्षनगर परिसरात बिअर बारचे दुकान सुरु आहे. सकाळपासून रात्री उशिरापर्यंत येथे मद्यपीची गर्दी असते. शिवाय अनेक चिडीमारीच्या घटना या बियर बारमुळे घडत आहेत. याचा परिसरातील रहिवाशींना त्रास सहन करावा लागत असून हे बियर बार परिसरातून हटवण्यासाठी दारूबंदी अधिकाऱ्याकडे निवेदनाद्वारे मागणी करण्यात आली आहे. मात्र याकडे अद्यापपर्यंत कुठलीही कारवाई न झाल्याने परिसरातील शेकडो महिलांनी आंदोलनाची भूमिका घेत सरळ त्या बियर बार समोरच आमरण उपोषण सुरु केले आहे.

तर रस्त्यावर उतरून आंदोलन 

भर वस्तीत असलेले हे बियर बार तात्काळ हटवा. बहिणीच्या या मागणीकडे मुख्यमंत्री एकनाथ शिंदे (eknath Shinde) यांनी लक्ष घालावे; अशी मागणी अस्तित्व संघटनेच्या अध्यक्षा प्रेमलता सोनोने यांनी केली आहे. याबाबत तात्काळ कार्यवाही न केल्यास मलकापूर शहरातील हजारो महिला रस्त्यावर उतरतील व उग्र आंदोलन करतील असा इशारा प्रेमलता सोनोने यांनी दिला.