मध्यरात्री दरोडेखोर घरात शिरले; निर्दयीपणे लहान मुलाला पंख्याला लटवकले अन्...

बुलडाणा : बुलडाणा (Buldhana) जिल्ह्यातून धक्कादायक बातमी समोर येत आहे . बुलडाणा जिल्ह्यातील शिर्ला नेमाने शिवारात एका घरात सशस्त्र दरोड्याची (Robbery) घटना घडली आहे. मध्यरात्री साडेतीन वाजता ही घटना घडली आहे. या घटनेने शिर्ला नेमाने गावात एकच खळबळ उडाली आहे. पोलिसांनी (Police) या प्रकरणाचा तपास सुरू केला आहे. (Buldhana crime news In Marathi )

मिळालेल्या माहितीनुसार, जिल्ह्यातील शिर्ला नेमाने या गावातील शेतात राहणाऱ्या पाचपोर कुटुंबीयांच्या घरात मध्यरात्री साडेतीन वाजता दरोडेखोर शिरले. मध्यरात्री घरात एकूण ८ ते १० सशस्त्र दरोडेखोर शिरले. घरात शिरताच त्यांनी कुटुंबातील सदस्यांना मारहाण करण्यास सुरुवात केली. त्यांचा घरातील सोने, चांदीचे दागिने व रोख रक्कम लुटायचा डाव होता. त्यासाठी त्यांनी घरातील १० वर्षीय मंथन पाचपोर या बालकाला तीन वेळेस फासावर लटकावून घरातील लोकांना धमकावले.

दरोडेखोरांनी घरच्यांना धमकावत सोने चांदी कुठे ठेवले हे विचारलं. दरोडेखोरांनी लुटण्यासाठी मंथनला पंख्याला निर्दयीपणे लटकावून घरातील सदस्यांना धमकावत रोख रक्कम व ऐवज लुटला. ऐवज आणि रोख रक्कम लुटताच दरोडेखोर घटनास्थळावरून पसार झाले. या घटनेत १० वर्षीय मंथन सहित ६ जण जखमी झाले आहे.

दरम्यान, दरोड्याची घटना घडल्यानंतर घरातील एका सदस्याने पोलिसांना झालेला प्रकार सांगितला. त्यानंतर तातडीने पोलीस घटनास्थळी दाखल झाले. त्यानंतर पोलिसांनी घटनेचा पंचनामा केला. या घटनेत पाचपोर कुटुंबातील सहा जण जखमी असून एक गंभीर जखमी झाला आहे. या सदस्यांना अकोला येथील सामान्य रुग्णालयात उपचारासाठी दाखल करण्यात आले आहे. या घटनेने शिर्ला नेमाने गावात खळबळ उडाली आहे. सदर प्रकरणाचा तपास हिवरखेड पोलिसांकडून सुरू आहे.