बुलढाणा : मधमाश्यांनी शेतमजुरांवर केला भीषण हल्ला; दोघे गंभीर जखमी!

बुलढाणा : शेगाव तालुक्यातील पहुरजिरा येथे शेतात कांदा लावत असताना मधमाशांनी (Honey Bee) अचानकपणे मजुरांवर हल्ला केला. या हल्ल्यात 2 जण गंभीर जखमी झाल्याची घटना घडली असून जखमींना खामगाव (Khamgaon) उपजिल्हा रुग्णालयामध्ये हलविण्यात आले होते. मात्र, दोघांची प्रकृती गंभीर असल्याने दोघांना अकोला (Akola) येथील रुग्णालयांमध्ये उपचारासाठी पाठवण्यात आले.

हे देखील पहा :

शेगाव (Shegaon) तालुक्यातील पहुरजिरा येथे गुरुवारी सकाळच्या सुमारास कौशल्याबाई किसन पाघृत वय 55 हे शेतात कांदा लावत असताना मधमाश्यांनी त्यांच्यावर हल्ला केला. तर, त्यांना वाचवण्यास मुरलीधर शालिग्राम पाघृत (वय 42) हे गेले असता त्यांच्यावर सुद्धा मधमाश्यांनी हल्ला केला. यामध्ये दोघेही गंभीर जखमी झाले. शेतातील लोकांनी त्यांना सामान्य रुग्णालयात उपचारासाठी भरती केले असता डॉक्टरांनी त्यांची तपासणी करून पुढील उपचारासाठी त्यांना अकोला येथे पाठवले.

Edited By : Krushnarav Sathe