Malkapur Bus Accident: बुलढाण्यात दोन खासगी बसची समोरासमोर धडक, ६ प्रवाशांचा जागीच मृत्यू; अंगाचा थरकाप उडवणारे PHOTOS

बुलढाणा जिल्ह्यातील मलकापूर शहरात शनिवारी पहाटे ३ वाजेच्या सुमारास दोन खासगी ट्रॅव्हल्सचा भीषण अपघात झाला.

या अपघातात आतापर्यंत ६ प्रवाशांचा जागीच मृत्यू झाला असून २५ ते ३० जण जखमी असल्याची माहिती आहे.

अपघातातील मृतांचा आकडा आणखी वाढण्याची भीती व्यक्त केली जात आहे. या घटनेनं परिसरातून मोठी हळहळ व्यक्त होत आहे.

अमरनाथ तीर्थयात्रा करून खासगी बस हिंगोलीच्या दिशेने जात होती. या बसमध्ये जवळपास ४० भाविक होते.

तर दुसरीकडे नागपूरवरून एक बस नाशिकच्या दिशेने जात होती. या बसमधून २५ ते ३० प्रवासी प्रवास करीत होते.

दोन्ही बस मलकापूर शहरातील लक्ष्मी नगर उड्डाणपुलावर येताच त्यांची बसेसची समोरासमोर जबर धडक झाली.

ही धडक इतकी भीषण होती, की यामध्ये ६ प्रवाशांनी जागीच प्राण सोडले. तर २० ते ३० प्रवासी जखमी झाले.

जखमींना तातडीने उपचारासाठी रुग्णालयात दाखल करण्यात आलं आहे. मृतांचा आकडा वाढण्याची शक्यता आहे.

दरम्यान, या भीषण अपघातात दोन्ही बसेसचंही मोठं नुकसान झालं असून अपघाताचे नेमके कारण अद्याप समोर आलेलं नाही.