Boy end life due to mother Scolded : आई ओरडली म्हणून १६ वर्षीय मुलानं जीवन संपवलं, विरारमधील दु:खद घटना

Vasai-Virar News :

आई ओरडली म्हणून १६ वर्षाय अल्पवयीन मुलाना जीवन संपवल्याची धक्कादायक घटना समोर आली आहे. मुलाने तलावत उडी घेत आत्महत्या केली आहे. सोहम चक्रवर्ती असे या मुलाचे नाव आहे.

सोहम चक्रवर्ती हा अल्पवयीन विरार पूर्वेच्या मनवेलापाडा येथील रामविला अपार्टमेंटमध्ये राहत होता. सोहम वसईतील एका महाविद्यालयात अकरावी कॉमर्सचं शिक्षण घेत होता. या घटनेने सोहमच्या आई-वडिलांवर दु:खाचा डोंगल कोसळला आहे.

मिळालेल्या माहितीनुसार, सोहमने सोमवारी क्लासला दांडी मारली होती. त्याने क्लास बुडवल्याचे समजल्यावर त्याची आई त्याला ओरडली होती. त्यामुळे रागात तो घराबाहेर निघून गेला होता. मात्र बराच वेळ झाला तरी तो घरी परतलाच नाही. (Latest Marathi News)

अखेर सोहन वेळेत घरी न आल्याने त्याच्या पालकांनी विरार पोलीस ठाण्यात तक्रार दाखल केली होती. मुलगा अल्पवयीन असल्याने विरार पोलिसांनी अपहरणाचा गुन्हा दाखल करून त्याचा शोध सुरू केला होता. (Maharashtra News)

दरम्यान, त्याचा शोध सुरू असताना विरार पूर्वेच्या साईदत्तनगर येथील खदाणीच्या तलावात त्याचा मृतदेह आढळून आला. त्याने रागाच्या भरात तलावात उडी घेत आत्महत्या केल्याची माहिती विरार पोलीस ठाण्याचे पोलीस उपनिरीक्षक संजय चव्हाण यांनी दिली. या प्रकरणी विरार पोलीस ठाण्यात अकस्मात मृत्यूची नोंद करण्यात आली आहे.