बुलढाणा: बोगस बायोडिझेलचे पंप चालताय अवैध विज कनेक्शनवर! कारवाई होणार ?

संजय जाधव

बुलढाणा: जिल्ह्यातील राष्ट्रीय महामार्ग क्रमांक 6 वर नायगाव फाट्यानजीक चक्क विज चोरी करून अवैधरित्या इंडस्ट्रियल ऑइलचा पंप चालवित असल्याच धक्कादायक प्रकार समोर आला आहे. (Bogus Biodiesel Pumps In Buldhana)

मुंबई - नागपूर राष्ट्रीय महामार्ग क्रमांक 6 वर नायगाव फाट्याजवळ एका हाॅटेलवर मलकापुर येथील मोहम्मद साबीर नामक इसमाने आपले भेसळयुक्त इंडस्ट्रियल ऑइलचे पंप सुरू केले आहे. तर पंपासाठी लागणारी विज ही चक्क विजेच्या खांबावरून आकडे टाकून चोरट्या मार्गाने घेतल्याचे समोर आले असुन सदर विचारणा केली असता साहेबांनीच ही विज चोरी करण्याचे सांगितल्याचे पंपधारकाने म्हटले आहे.

मात्र, चोरीच्या मार्गाने विज वापरने हा गुन्हा आहे, हे माहीती असतांना देखील हा पंपधारक या ठिकाणी बिनधास्तपणे वीज चोरी करून बायोडिझेल पंप (Biodiesel Pump) चालवीत आहेत याकडे वीज वितरण कंपनी चे अधिकारी पूर्णतः दुर्लक्ष करीत असल्याचे दिसून येत आहे. कोणत्या साहेबांच्या आशीर्वादाने ही वाजेची चोरी सुरु आहे? तो अधिकारी नेमका कोण हे शोधणे ही गरजेचे झाले आहे. (Buldhana News In Marathi)

हे देखील पहा-

तर याप्रकरणी महावितरणच्या कर्मचाऱ्यास विचारणा केली असता त्याने कारवाई करण्या ऐवजी साहेब पाहतील..मी एकटा काहीच करू शकत नाही, साहेबांना सांगतो. अशा प्रकारच्या उडवा उडविची उत्तरे दिली. तर या प्रकरणात आता संबंधित अधिकारी या प्रकरणात काय कारवाई करतात. याकडे नागरिकांचे लक्ष लागले आहे.