युरियाचा काळाबाजार, शेतकरी बेजार; युरिया काळाबाजाराचा 'साम'वर पर्दाफाश

शेतकऱ्यांच्या मदतीसाठीचं कृषी सेवा केंद्र आता लुटीचं केंद्र बनत चाललंय... त्याचं पितळ साम टीव्हीनं उघडं पाडलंय.. रब्बी हंगाम संपला... शेतकऱ्यांनी उन्हाळी मशागतीला सुरुवात करत खरीपाची हंगामाची तयारी सुरू केलीय... मात्र शेतकऱ्यांची अडवणूक करुन कृषी सेवा केंद्र चालकांनी खतांचा काळाबाजार सुरू केलाय...

बीडमध्ये खतांचा काळाबाजार सुरू असल्याची कुणकुण साम टीव्हीला लागली... आणि याच काळा बाजाराची पोलखोल करण्यासाठी साम टीव्ही पोहोचली थेट कृषी सेवा केंद्रात... तिथं 266 रुपयांचा युरिया तब्बल 360 ते 400 रुपयांना विकला जात असल्याची धक्कादायक बाब उघड झालीय...

शेतकऱ्यांची लूट फक्त बीडमध्येच नाही तर खान्देशात धुळ्यातही सुरु असल्याचं समोर आलंय.. खतांच्या दुकानात युरिया जवळपास दुप्पट दराने विकला जात असल्याचं चित्र आहे... त्यामुळे साम टीव्हीनं युरियाच्या काळा बाजार चव्हाट्यावर आणलाय..

अमेरिका, इस्रायल आणि इराणमधील युद्धामुळे खतांचा कच्चा माल आयातीवर परिणाम झालाय.... तर सरकार मात्र देशात कुठलीही टंचाई नसल्याचा दावा करतंय.. याच दरम्यान साम टीव्हीनं थेट स्टिंग ऑपरेशन करत डीएपी, युरिया या खतांचा काळाबाजार सुरू असल्याची धक्कादायक बाब चव्हाट्यावर आणलीय...त्यामुळे सरकार आता तरी काळाबाजार रोखण्यासाठी पावलं उचलणार का? आणि शेतकऱ्यांच्या लुटीचं केंद्र बनलेल्या कृषी सेवा केंद्रांवर कठोर कारवाई करणार का? याकडे राज्यातील शेतकऱ्यांचं लक्ष लागलंय.