कोरोना बाधित रुग्णांच्या लुटीवरून भाजपचे खासदार आक्रमक

विजय पाटील

सांगलीत (Sangali) कोरोना बाधित रुग्णांच्या लुटीवरून (Coronavirus) भाजपचे सांगलीचे खासदार आक्रमक झाले आहेत. शासनाने नेमलेले सांगली जिल्ह्यातील ऑडीटर आणि खाजगी डॉक्टरांनी मिलीभगत करून रुग्ण आणि त्यांच्या नातेवाईकांची प्रचंड लूट केली आहे.

तर उपचरासाठी घेतलेले ज्यादा पैसे कोणत्याही परिस्थितीत तातडीने परत देण्यात यावेत. असा सज्जड दमच खासदारांनी डॉक्टरांना दिला आहे. जर पैसे दिले नाहीत तर दवाखान्या समोर उपोषणास बसणार असल्याचे खासदार संजय काका पाटील (Sanjay Patil) यांनी सांगितले. ते सांगलीमध्ये प्रसार माध्यमांशी बोलत होते.

जिल्ह्यात शासनाने नेमलेले ऑडीटर आणि खाजगी डॉक्टरांनी मिलीभगत करून रुग्ण आणि त्यांच्या नातेवाईकांची प्रचंड लूट केली आहे. अनेक पेंशटच्या नातेवाईकांकडून भरम साठ पैसे लुटीचे प्रकार समोर येत आहेत. तर रुग्णांच्या तक्रारीसाठी टोल फ्री क्रमांक खासदार संजयकाका पाटील यांनी जाहीर केला आहे. जर पुढील १५ दिवसात पैसे परत दिले नाहीत. तर रुग्ण आणि त्यांच्या नातेवाईकांना घेऊन जिल्हाधिकारी कार्यालय आणि खाजगी कोविड सेंटर समोर उपोषणास बसणार असल्याचा इशारा सांगलीचे खासदार संजय काका पाटील यांनी दिला आहे.