Dhule News: धुळे कृषी उत्पन्न बाजार समितीच्या (Dhule Krushi Utpanna Bazar Samiti) निवडणुकीसाठी आज मतदान होत आहे. मतदान सुरु असताना मतदान केंद्राबाहेर (Polling Station) कार्यकर्त्यांचा राडा झाला. यावेळी पोलिसांनी (Dhule Police) कार्यकर्त्यांच्या गर्दीला पांगवण्यासाठी लाठीचार्ज केला. सध्या मतदान केंद्राबाहेर गोंधळाचे वातावरण आहे.
मिळालेल्या माहितीनुसार, धुळे कृषी उत्पन्न बाजार समितीच्या निवडणुकीसाठी होत असलेल्या मतदानादरम्यान राडा झाला आहे. मतदान केंद्राबाहेर भाजप आणि महाविकास आघाडीच्या कार्यकर्त्यांनी राडा घातला. दोन्ही पक्षाच्या कार्यकर्त्यांनी आक्रमक होत जोरदार घोषणाबाजी केली. त्यामुळे मतदान केंद्राबाहेर तणावाचे वातावरण निर्माण झाले आहे.
पण दोन्ही पक्षाचे कार्यकर्ते जास्तच आक्रमक झाल्याचे लक्षात येता सकाळपासून सामंजस्याची भूमिका घेणाऱ्या पोलिसांनी कार्यकर्त्यांची ही गर्दी पांगवण्यासाठी लाठीचार्ज केला. पोलिसांनी भाजप आणि महाविकास आघाडीच्या कार्यकर्त्यांवर लाठीचार्ज केल्यामुळे मतदान केंद्राबाहेर तणावाचे वातावरण निर्माण झाले आहे. अशामध्ये सध्या पोलिसांचा बंदोबस्त वाढवण्यात आला आहे. सध्या शांततेत मतदान सुरु आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
