Tanaji Sawant Son Missing: मोठी बातमी! माजी आरोग्यमंत्री तानाजी सावंत यांचा मुलगा पुणे विमानतळावरून गायब, फोनही लागेना

राज्याचे माजी आरोग्य मंत्री तानाजी सावंत यांचा मुलगा पुणे विमानतळावरून गायब झाल्याची माहिती समोर आली. पुणे पोलिसांच्या कंट्रोल रुमला कॉल आला होता. माजी आरोग्यमंत्र्यांकडून पोलीस यंत्रणेला विचारणा सुरू आहे. दुपारी ड्रायव्हरला विमानतळावर सोडायला लावलं होतं, त्यानंतर त्या ठिकाणाहून मुलगा गायब झाल्याची माहिती आहे. माजी आरोग्य मंत्री विमानतळावर दाखल झाले आहेत. आता हाती आलेल्या माहितीनुसार, ऋतुराज सावंत सुखरूप असल्याचं म्हटलं जात आहे.

ऋतुराज तानाजी सावंत (वय ३५) आज दुपारी पुणे विमानतळावरून गायब झालाय. माजी मंत्र्यांकडून पोलिसात अपहरण झाल्याची तक्रार नोंदवण्यात आलीय. पुण्यातील सिंहगड रोड पोलीस ठाण्यात याप्रकरणी तक्रार नोंदवण्यात आला असून गुन्हा दाखल करण्याची प्रक्रिया सुरू आहे. आज सायंकाळी पाच वाजण्याच्या सुमारास नऱ्हे परिसरातून स्विफ्ट गाडीतून त्याचे अपहरण करण्यात आल्याचं सांगितलं जात आहे. मिळालेल्या माहितीनुसार, दोन व्यक्तींनी ऋतुराज सावंत याचे अपहरण केल्याचं सांगितलं जात आहे. सहकारनगर पोलीस स्टेशनला अपहरणाचा गुन्हा दाखल करण्यात आलाय.