Local Body Election : शिंदेंच्या शिवसेनेचा भाजपला जोरदार धक्का, नंदुरबारमध्ये अनेकांनी कमळाची साथ सोडली

सागर निकवाडे, नंदुरबार, साम टीव्ही प्रतिनिधी

BJP leaders join Eknath Shinde’s Shiv Sena in Nandurbar : स्थानिक स्वराज्य संस्थांच्या निवडणुकीच्या तोंडावर नंदुरबारमध्ये भाजपला जोरदार धक्का बसाल आहे. एकनाथ शिंदेंच्या शिवसेनेकडून नंदुरबारमध्ये भाजपला धक्का देण्यात आलाय. नंदुराबरमधील भाजपच्या शेकडो नेत्यांनी कमळाची साथ सोडून धनुष्यबाण हाती घेतलेय. आगामी स्थानिक स्वराज्य संस्थांच्या निवडणुकीआधी हा भाजपला मोठा धक्का मानला जातोय. या पक्ष प्रवेशामुळे निवडणुकीआधी शिवसेनेची ताकद वाढली. (Maharashtra politics latest updates on BJP and Shiv Sena)

नंदुरबार तालुक्यातील शनिमांडळ येथे भाजपला बधवारी खिंडार पडले आहे. स्थानिक स्वराज्य संस्थांच्या पार्श्वभूमीवर शिवसेना शिंदे गटात इन्कमिंग सुरू असल्याचे पाहायला मिळत आहे. शिवसेना शिंदे गटाचे संपर्कप्रमुख तथा विधान परिषदेचे आमदार चंद्रकांत रघुवंशी यांचा हस्ते शनिमांडळ ग्रामपंचायतीचे माजी सरपंच योगेश मोरे त्याचप्रमाणे शिवसेना उबाठाचे उप तालुका प्रमुख सुनील पवार यांच्यासह गावातील असंख्य ग्रामस्थांनी शिवसेना शिंदे गटात प्रवेश केलेला आहे.

येथील शिवसेना भवन, आमदार कार्यालयात शनिमांडळ ग्रामपंचायतीचे माजी सरपंच योगेश अरविंद मोरे त्याचप्रमाणे शिवसेना उबाठाचे उप तालुका प्रमुख सुनील पवार यांच्यासह यांच्यासह अनेकांनी शिवसेनेत प्रवेश केला आहे. शिंदे गटात सुरू असलेल्या इन्कमिंग मुळे नंदुरबार जिल्ह्यात शिवसेना शिंदे गटाची ताकद आणखीच वाढणार आहे..

राज्यात स्थानिक स्वराज्य संस्थांच्या निवडणुका जाहीर झाल्या आहेत. राज्यात ३ टप्प्यात निवडणुका होत आहे. नगरपरिषदा आणि नगरपंचातीसाठी प्रचाराला सुरूवात झाली आहे. राज्यात सध्या आचारसंहिता लागली असून प्रत्येक पक्षाकडून आकड्याची जुळवाजुळव सुरू आहे. निवडणुका जाहीर होताच नंदुरबारमध्ये भाजपला धक्का बसलाय. शेकडो कार्यकर्त्यांनी रामराम ठोकलाय. नंदराबरमध्ये एकनाथ शिंदेंच्या शिवसेनेची ताकद वाढल्याचे स्थानिक सांगत आहेत.