Crime News : परप्रांतीयांकडून तिघांवर प्राणघातक हल्ला; दोन तरुण गंभीर जखमी

Mira Bhaynder News : राज्यात मराठी- अमराठी असा वाद सातत्याने उफाळून येत असतो. बऱ्याचदा मारहाणीच्या घटना घडत आहेत. अशात भाईंदर मध्ये परप्रांतीयांकडून स्थानिक असलेल्या तरुणांवर जीवघेणा हल्ला करण्यात आला आहे
Mira Bhaynder News
Mira Bhaynder NewsSaam tv
Published On

मनोज तांबे 

भाईंदर : मराठी विरुद्ध अमराठी असा वाद सध्या पाहण्यास मिळत आहे. अशातच परप्रांतीयांकडून स्थानिक असलेल्या तीन तरुणांवर प्राणघातक हल्ला करत मारहाण करण्यात आली आहे. या मारहाणीत दोन तरुण गंभीर जखमी झाले आहेत. मारहाण केल्यानंतर मारहाण करणारे दोन जण काशिमीरा पोलिसात जमा झाले आहेत. या प्रकरणी पोलिसांकडून तपास सुरु आहे. 

भाईंदराच्या राई गावामध्ये हि धक्कादायक घटना घडली आहे. राज्यात अगोदरच मराठी विरुद्ध अमराठी असा वाद सुरु आहे. असे असता देखील अनेक ठिकाणी परप्रांतीयांकडून दादागिरी व मारहाण करण्याचे प्रकार समोर आले आहे. अशातच भाईंदरच्या राई गावामध्ये परप्रांतीयांकडून स्थानिक भूमीपुत्रावर तलवारीने प्राणघातक हल्ला करून बेदम मारहाण करण्याची घटना घडली आहे. यामुळे परिसरात खळबळ उडाली आहे. 

Mira Bhaynder News
Buldhana Police : हातात कोयता घेऊन बनविली रील; सोशल मीडियावर व्हायरल होताच तरुणांना पोलिसांनी घडवली अद्दल

दोन तरुण गंभीर जखमी 

जमिनीच्या वादातून हा हल्ला झाल्याचा प्राथमिक अंदाज वर्तवला जात आहेत. यातून रुपेश पाटील, भूषण पाटील, नितेश पाटील या स्थानिक असलेल्या तरुणांवर काही परप्रांतीयांकडून प्राणघातक हल्ला करण्यात आला आहे. मारहाणीत दोन तरुण गंभीर जखमी झाले असून त्यांच्यावर जवळच्या रुग्णालयात उपचार सुरू आहेत. तर या मारहाणीचा व्हिडिओ सोशल मीडियावर व्हायरल होत असल्यामुळे गावकऱ्यांमध्ये संतापाची लाट उसळली आहे.

Mira Bhaynder News
Pimpri Chinchwad : रस्ता रुंदीकरणाच्या धोरणाला विरोध; माण ग्रामपंचायतीचा उपमुख्यमंत्री अजित पवार यांच्या धोरणाविरोधात ठराव

दोघेजण पोलिस ठाण्यात झाले हजर 
दरम्यान घटनेतील मारहाण करणारे दोन आरोपी काशिमीरा पोलिस ठाण्यात हजर झाले आहेत. तर उर्वरित आरोपी फरार आहेत. या आरोपींनी लवकरात लवकर पकडून त्यांच्यावर कठोर कारवाई करण्यात यावी; अशी मागणी मराठी एकीकरण समितीचे अध्यक्ष गोवर्धन देशमुख यांनी केली आहे. अन्यथा पुन्हा मराठी माणूस रस्त्यावर उतरून परप्रांतीयांच्या विरोधात आंदोलन करेल; असा इशारा प्रशासनाला देण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com