सगळं खापर केंद्र सरकारवर फोडायचं आणि स्वतः मात्र...भारती पवारांचा राज्य सरकारवर घणाघात

बीड - सगळं खापर केंद्र सरकारवर फोडायचं आणि स्वतः मात्र काही करायचं नाही. अशी भूमिका महाराष्ट्रात राज्य सरकारची आहे. केंद्राकडून महाराष्ट्राला सर्वात जास्त लस दिले. आर्थिक बजेट देखील दिले. त्याच श्रेय मात्र घेतलं जातं परंतू सांगत असताना लोकांमध्ये भ्रम निर्माण केलं जात आहे, हे दुर्दैव आहे. अशी घणाघाती टीका केंद्रीय मंत्री भारती पवार (Bharti Pawar) यांनी केली आहे. त्या बीड जिल्हा दौऱ्यावर आले असता बोलत होत्या.

हे देखील पहा -

पुढे बोलताना त्या म्हणाल्या की, भाजपच्या लोकांवर राज्य सरकार सूडबुद्धीने काम करत आहे. नारायण राणे असतील आणि इतर लोकांना त्रास देणे सुरू आहे. निवडणुका येत असतात निवडणुका जात असतात. आम्ही कुठल्याही यशाने हुरळून जात नाहीत आणि अपयशाने खचून जात नाहीत. अशी आमची भारतीय जनता पार्टी आहे. देशसेवेसाठी जे जे करता येईल ते केंद्र सरकार काम करत आहे. राज्य सरकारने काय काय केलं हे आपण पाहतच आहात. शेतकरी प्रश्नावर राज्य सरकारने विशेष लक्ष दिलं पाहिजे असे देखील त्या म्हणाल्या.