Bhandara News : मासे पकडणे बेतले जीवावर; एकाचा मृत्यू

शुभम देशमुख 

भंडारा : नेहमीप्रमाणे गावाजवळ लागून असलेल्या शेतशिवारातील नदी तलावावर मासोळ्या पकडण्यासाठी गेलेल्या युवकाचा पाण्यात बुडून (Death) मृत्यू झाला. हि घटना (Bhandara) भंडारा जिल्ह्याच्या जुनी खैरी संगम पुनर्वसन कन्हाण नदी येथे घडली आहे. (Tajya Batmya)

संगम पुनर्वसन (जि. भंडारा) येथील धनपाल किरण आपतुरकर (वय ४०) असे तलावात बुडून मृत्यू झालेल्या तरुणाचे नाव आहे. मागील आठवड्यात पाऊस झाल्याने नदी, नाल्यांना पूर आला आहे. यामुळे नदी व नाल्यांमध्ये मच्छि आल्या आहेत. मासे पकडण्यासाठी गावातील अनेकजण जात असतात. त्यानुसार धनपाल हा देखील कन्हान नदीवर गेला असता हि घटना घडली आहे. 

मृतदेह सापडेना 

घटनेची माहिती जवाहर नगर पोलिसात देण्यात आली असून पोलीस निरीक्षक सुधीर बोरकुटे यांनी तात्काळ घटनास्थळ गाठून शोध मोहीम राबवली. मात्र रात्र झाल्याने मृतदेह गवसला नाही. तरीसुद्धा मृतदेहाच्या शोध करण्यासाठी युद्ध पातळीवर प्रयत्न सुरू आहेत.