हरिहर किल्ल्यावरून उतरताना तोल गेला, खोल दरीत पडला; युवकाचा जागीच मृत्यू

नाशिक जवळील हरिहर किल्ल्यावर ट्रेकिंगसाठी आलेल्या एका तरूणाचा पाय घसरून पडून दुर्देवी मृत्यू झाला आहे. घटनेच्या दिवशी तरूण आपल्या मित्रांसह ट्रेकर ग्रुपमध्ये सहभागी होऊन हरिहर किल्ल्यावर ट्रेकसाठी आला होता. मात्र, ट्रेकिंग करत असताना तरूणाचा पाय घसरला आणि तो थेट खाली कोसळला. उंचावरून दगडावर पडल्यानं त्याचा जागीच मृत्यू झाला.

मिळालेल्या माहितीनुसार, आशिष टिकाराम समरीत (वय वर्ष २८) असे मृत तरूणाचे नाव आहे. तो भंडारा येथील रहिवासी असल्याची माहिती आहे. ही धक्कदायक घटना ३१ ऑगस्ट रोजी दुपारच्या सुमारास घडली. घटनेच्या दिवशी आशिष आणि त्याच्या मित्रांचा ग्रुप शनिवारी हरिहर किल्ल्यावर पोहोचले. किल्ल्यावर चढले. नंतर किल्ल्यावर थांबून परतीच्या मार्गाला लागले.

दुपारी साधारण बाराच्या सुमारास त्यांनी किल्ला उतरण्यास सुरूवात केली. मात्र, आशिष याचा पाय निसटला. तरूण थेट किल्ल्यावरून थाली कोसळला. उचांवरून पडल्यामुळे तो दगडावर पडला. दगडावर पडल्यामुळे त्याचा जागीच मृत्यू झाला. घटना घडल्यानंतर पोलिसांना याची माहिती देण्यात आली.

त्र्यंबकेश्वर पोलिसांनी घटनास्थळी धाव घेतली. त्यांनी पंचनामा केला. नंतर मृतदेह ताब्यात घेत रूग्णालयात शवविच्छेदनासाठी पाठवले. या प्रकरणी त्र्यंबकेश्वर पोलिसांनी आकस्मिक मृत्यूची नोंद करण्यात आली आहे. या घटनेनंतर समरीत कुटुंबावर दुखा:चा डोंगर कोसळला असून, पुढील तपास पोलिसांकडून सुरू आहे. या घटनेनंतर परिसरात खळबळ उडाली आहे.