Bhandara Accident News: ओव्हरटेकच्या प्रयत्नात भरधाव ट्रकची बसला धडक; दोन्ही चालक जखमी

शुभम देशमुख 

भंडारा : पवनीकडून भंडाराकडे येत असलेल्या ट्रकने भंडारावरून पवनीकडे जात असलेल्या बसला जोरदार धडक (Accident) दिली. ट्रक चालकाने ओव्हरटेक करण्याच्या नादात जोरधार धडक दिल्याची घटना अड्याळ (Bhandara) पवनी मार्गावरील नेरला उपसा जवळ घडली. (Maharashtra News) 

भंडाराकडून पवनीकडे ३० प्रवासी घेऊन बस पवनीकडे मार्गस्थ झाली होती. याचवेळी पवनीकडून भरधाव वेगात येणाऱ्या ट्रकने ओव्हरटेक करण्याच्या प्रयत्नात बसला समोरून धडक दिली. बसचालकाने समयसुचकता दाखवत बस रोडच्या कडेला घेऊन जात थांबवली. त्यामुळे मोठा अपघात टळला असून बसमधील प्रवासी सुखरूप बचावले आहेत. 

चालक जखमी  

या अपघातात ट्रक चालक हा गंभीररित्या जखमी झाला. तर बस चालक किरकोळ जखमी झाला आहे. घटनेची माहिती अड्याळ पोलिसांना देण्यात आली. ठाणेदार प्रशांत मिसाळे यांनी तात्काळ आपल्या पथकासह घटनास्थळ गाठत जखमींना प्राथमिक उपचारार्थ अड्याळ येथील रुग्णालयात दाखल केले. मात्र ट्रकचालक गंभीर जखमी असल्या कारणाने जिल्हा सामान्य रुग्णालयात दाखल करण्यात आले आहे.