Bhandara Car Accident News : भंडाराकडून लाखनी- साकोलीच्या दिशेने जात असलेल्या चारचाकी वाहनाचे नियंत्रण बिघडल्याने चारचाकीने ट्रकला जबर धडक दिली. ही घटना भंडारा जिल्ह्याच्या साकोली तालुक्यातील मुंडीपार गावाजवळ घडली आहे. या भीषण अपघातात 26 वर्षीय महिला आणि चारचाकी चालक जखमी झाली आहे. (Latest Marathi News)
अपघात नेमका कसा झाला?
भंडाराकडून (Bhandara) कडून साकोलीच्या दिशेने जात असलेल्या चारचाकी वाहन चालकाचे अचानक वाहनावरील नियंत्रण बिघडल्याने कार थेट साकोलीच्या दिशेने जात असलेल्या ट्रकला धडकली. धडक इतकी भीषण होती की यात एक महिला आणि कार चालक जखमी झाली आहे. जखमींना रुग्णालयात (Hospital) दाखल करण्यात आले असून त्यांच्यावर उपचार सुरु आहे.
महामार्ग पोलीस मदत केंद्राचे पोलीस कर्मचारी गस्तीवर असतांना त्यांच्या लक्षात येताच जखमींना पिंपळगाव येथील रुग्णालयात दाखल करण्यात आले असून पुढील उपचारासाठी त्यांना साकोली येथील उपजिल्हा रुग्णालयात दाखल करण्यात करण्यात आले. (Bhandara Accident News)
बोलेरो पिकअप वाहनाचा टायर फुटल्याने गाडी पलटली
दरम्यान, आणखी एका अपघातात भरधाव वेगात बाजारपेठेत भाजीपाला घेऊन जाणारा बोलेरो पिकअप वाहनाचा टायर फुटल्याने वाहन पलटी होऊन अपघात झाला आहे. या अपघातात तिघेजण जखमी झाल्याची समोर आली आहे. ही घटना भंडारा जिल्ह्याच्या लाखनी पोलीस स्टेशन हद्दीतील गडेगाव परिसरात घडली आहे.
या घटनेची माहिती महामार्ग पोलीस घटनास्थळी दाखल झाली. त्यांनी या अपघातात जखमी झालेल्या मुजीप शेख (27) मंगेश हटणागर (36) आणि अनिकेत हटणागर यांना बाहेर काढून तातडीने प्रथम उपचारार्थ ग्रामीण रुग्णालय लाखनी येथे दाखल केले. तर महामार्गच्या मधोमध अपघात झाल्याने काही काळ वाहतूक विस्कळीत झाली होती. वेळीच स्थानिक नागरिकांच्या मदतीने अपघातग्रस्त वाहनास रस्त्याच्या बाजूला करून पुन्हा वाहतूक सुरळीत करण्यात आली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
